دۆخی قەیرانیی 40 هەزار منداڵ لە کەمپەکانی ژێردەسەڵاتی کوردی سووریا

بە پێی هەواڵی مێهر، ڕێکخراوەی ڕزگارکردنی منداڵان ڕایگەیاند: 40 هەزار منداڵی بنەماڵە داعشییەکان لە دوو کەمپی ئەلهەول و ڕۆژ لە ناوچەی ژێردەسەڵاتی کوردانی سووریا دان و بە هۆی دۆخی نالەبای کەمپەوە هەموو حەوتەیەک دوو منداڵ لەوێ گیان دەسپێرن.
ئەم منداڵانە سەر بە 60 وڵاتی جیهانن کە بە هۆی بێ ئاگایی وڵاتانی ناوبراو لە دۆخێکی نالەباردا دەژین. ئەم وڵاتانە کە ژمارەیەکیان لە وڵاتانی دەوڵەمەندی جیهانن، لە گەڕانەوەی ئەو منداڵانە خۆ دەبوێرن.
بەرپرسانی کوردی سووریا دەڵێن توانای ماڵی و هێمنایەتی پاراستنی زیاتر لە 60 هەزار ژن و منداڵی سەربە داعشیان نییە و وڵاتانی جیهانیش بەرپرسیاریەتی ئەوان لە ئەستۆ ناگرن.