دەوڵەت باخچەلی داوای هەڵوەشاندنەوەی پارتێکی کوردی دەکات

سەرۆکی پارتی مەهەپە لە هێرش بۆ سەر پارتی کوردی هەدەپە داوای هەڵوەشاندنەوەی ئەو پارتەی کرد.

بە ڕاپۆرتی ئاژانسی هەواڵی مێهر، دەوڵەت باخچەلی، سەرۆکی بزووتنەوەی نەتەوەیی تورکیا(مەهەپە) لە لێدوانێکدا بە ڕەخنە لە پارتی گەلانی تورکیا (هەدەپە) ڕایگەیاند: جودایی خوازی، سەرەڕۆیی و گەندەڵییە. ئەو جودایی خوازییە لە مێدیا، زانکۆ و شارەوانییەکان و پەرلەمانیش هەیە. شوکر بۆ خودا کە تورکیا پشتی تیرۆری شکاندووە.

ناوبراو لە درێژەدا وتیشی: لە قەندیل دەنگی تیرۆریست کپ بووە بەڵام ئەمجارە تیرۆریستەکان لە قاڵبی پەرلەمانتار لە پەرلەمان گرووپی پێک دەهێنن، چی دیکە کاسەی سەبرمان تەواو بووە.

باخچەلی لە ڕاشیگەیاند: پێکهاتەیەکی خائین و دوژمنانە بە ناوی هەدەپە بە قایم کردنی خۆیان لە پشت دیمۆکراسی و چەمکگەلێک وەکوو ئازادی و مافی مرۆڤ قسەی قۆڕ دەکەن. هەدەپە پێکهاتەیەک بۆ تیرۆر و مالێک بۆ جودایی خوازی و ناوەندێک بۆ ئاژاوەیە. ئەم کاروانە نابێت بەم شێوەیە درێژەی پێ بدرێت و ئەبێ هەڵبوەشێتەوە.

News Code 35173

نیشانەکان

بۆچوونی ئێوە

You are replying to: .
  • 1 + 4 =