کاردانەوەی ١٣ پارتی سیاسی تورکیا بە دوور خستنەوەی شارەوانە کوردەکان

١٣ پارتی سیاسی لە تورکیا بە بڵاو کردنەوەی بەیاننامەیەکی هاوبەش لە ژێرناوی " ئەوەی کە غەدری لێکراوە، ئیرادەی نەتەوەیە. بێدەنگ نابین" وێڕای ڕەخنە لە ئەو ڕەوتەی کە دەسەڵاتی تورکیا دژی شارەوانەکانی سەر بە هەدەپە گرتوویەتە بەر ناڕەزایەتیان دەربڕی.

بە ڕاپۆرتی ئاژانسی هەواڵی مێهر، دوای دەرکردنی شارەوانەکانی سیرت و ئیغدیر لە لایەن وەزارەتی ناوخۆی تورکیا و دیاری کردنی سەرپەرشتی نوێ بۆ ئەو پۆستانە، ١٣ پارتی پارتی سیاسی لە تورکیا بە بڵاو کردنەوەی بەیاننامەیەکی هاوبەش لە ژێرناوی " ئەوەی کە غەدری لێکراوە، ئیرادەی نەتەوەیە. بێدەنگ نابین" وێرای ڕەخنە لە ئەو ڕەوتەی کە وەزارەتی ناوخۆی تورکیا دژی شارەوانەکانی سەر بە هەدەپە گرتووەیەتە پێش، ڕایانگەیاندووە: نابێت لە بەرانبەر پێشێل کرانی مافی هەڵبژاردن و هەڵبژاردنەکان، لەبەرچاو نەگرتنی مافی نەتەوە و ... بێدەنگ بین. لێرە وردەی نەتەوەیەک کە لە هەڵبژاردن نیشان درابوو، غەدری لێکرا. ئەو دەسەڵاتەی کە لە رێگای هەڵبژاردنەوە نەیتوانی سەربکەوێت ئێستا بە زۆرەملێ و بێ یاسایی دەیەوێت نوێنەرانی ڕاستەقینەی خەڵک دوور بخاتەوە و سەرپەرشتی نوێیان بۆ دیاری بکات.

لە درێژەی بەیاننامەکە هاتووە: دەسەڵات دەیەوێت بەڕێوەبەرایەتییە خۆجەیی و خەڵکییەکان لەناو ببات. ئێمە لەگەڵ دەسەڵات کە پێچەوانەی یاسای بنەڕەتی هەڵسوکەوت دەکات دژین. ئەبێ ئەو شارەوانانە کە لە پۆستەکەیان دوور خراونەتوە بگەڕێندرێنەوە و هەموو گوشارەکان لە سەر بەڕیوەبەرایەتییە خۆجەییەکان کۆتایی پێبێت.

واژۆ کارانی ئەو بەیاننامە هاوبەشە پارتەکانی خوارەوەن:

پارتی ناوچە دیمۆکراتیکەکان(DBP)، پارتی شۆڕشگێڕان، پارتی کار (EMEP)، پارتی سۆسیالیستی ستەم لێکراوەکان ESP)، پارتی دیمۆکراتی گەلان(HDP)، پارتی چەپ، پلاتفۆرمی سۆسیالیستی(  SODAP )، پارت یدامەزرێنەرانی سۆسیالیست SYKP) ، پارتی ئازادی کۆمەڵایەتی( TÖP)، پارتی کرێکاری تورکیا( TİP)، پارتی کۆمۆنیستی تورکیا( TKP)، پارتی سەوزەکان و داهاتووی چەپی تورکیا.

News Code 32460

نیشانەکان

بۆچوونی ئێوە

You are replying to: .
  • 3 + 7 =