سزای قورس بۆ تاوانبارانی بڕینی داری دارستانەکانی مەریوان

سەرپەرشتی ئیدارەی سەرچاوە سروشتییەکانی مەریوان لە دەرکردنی سزای قورس بۆ هۆکارە سەرەکییەکانی بڕینی داری دارستانەکان و داگیر کردنی لەوڕگەکانی ئەو شارە هەواڵی دا.

بە ڕاپۆرتی ئاژانسی هەواڵی مێهر، ئازاد نامداری ڕایگەیاند: بۆ ٩ کەس لە هۆکارە سەرەکییەکانی بڕینی داری دارستانەکانی مەریوان کە لە دۆخی هاتنی ڤایرۆسی کۆرۆنا و پشووەکانی نەورۆز هەوڵی لەناو بردن، بڕین یان سووتاندنی داری دارستانەکان و لەوڕگەکانی ئەو شارەیان دا و ئێستا لە زیندانن لە لایەن دادگاوە سزای قورسیان بۆ دەرکرا.

ناوبراو زیادی کرد: هەر یەکە لە ئەو ٩ کەسە بە پێی تاوانێک کە ئەنجامیان داوە بە چەند ساڵ زیندانی، دوور خستنەوە لە شاری خۆیانەوە بۆ یەکێک لە شارەکانی تری ئێران و هەروەها سزای نەختی سزا دراون.

نامداری بە وتنی ئەوەی کە لە کاتی بڵاو بوونەوەی ڤایرۆسی کۆرۆناوە تا ئێستا ٣٥ لادەر لە شاری مەریوان بە تۆمەتی لەناوبردن، داگیر کردن و بڕین و سووتاندنی دارەکان دەستگیر کراون، وتی: جگە لە ئەو ٩ کەسە تاوانبارەکانی تر بەڵێنیان داوە کە بە پارەی خۆیانەوە دار ترێیەکان کە چاندوویانن لەناوببەن و لە جیاتی ئەوە داری دارستانی بچێنن و ئەرکی چاوەدێری کردنیشیان هەر لە ئەستۆی خۆیانە.

News Code 32411

نیشانەکان

بۆچوونی ئێوە

You are replying to: .
  • 9 + 1 =