تەقینەوەی هاوکاتی بۆمب لە سێ شوێنی ئامەد

رۆژێک بەر لە هەڵبژاردنەکانی شارەوانی تورکیا، ئامەد شایەدی تەقینەوەی بۆمب لە سێ شوێنی گەڕەکی سووری ئەو شارە بوو کە بە گوێرەی ڕاپۆرتەکان لە لایەن کەسانێکی نەناسراوە و بە شێوەی هاوکات ئەنجام دراوە.

بە ڕاپۆرتی ئاژانسی هەواڵی مێهر بە گێڕانەوە لە رۆژنامەی جەمهوورییەت، کاتژمێری ٢٤:٠٠ی دوای نیوەشەوی ڕابردوو  ٣٠ مارچ سێ تەقینەوەیە لە سێ شوێنی گەڕەکی سووری شاری ئامەد ڕووی داوە کە بە گوێرەی ڕاپۆرتەکان لە لایەن کەسانێکی نەناسراوە و بە شێوەی هاوکات ئەنجام دراوە.

لەو ڕووداوە ناوەندێکی پۆلیس، فرۆشگەیەکی مارکێتینگ و ئێستگەیەکی پاس لە گەڕەکی سوور لە لایەن چەند کەسێکی نەناسراوەوە تەقێندراونەتەوە کە قوربانی و برینداری لێ نەکەوتۆتەوە، بەڵام زیانی ماڵی بە دواوە بووە.

پاش ئەو هێرشانە، هێزی تایبەتی پۆلیس ڕەوانەی ئەو شوێنانە کراون و ڕێوشوێنی توندی ئەمنی گیراوەتە بەر.

شایانی باسە، ئەو هێرشانە رۆژێک بەر لە هەڵبژاردنەکانی شارەوانی تورکیا ئەنجام دراوە و تا ئێستا هیچ گرووپێک نەیگرتۆتە ئەستۆ.

News Code 25816

نیشانەکان

بۆچوونی ئێوە

You are replying to: .
  • 8 + 3 =