٦٠ کەس هاوپەیوەند بە دۆسیەی گولەن لە تورکیا دەستگیر کرا

پۆلیسی تورکیا ڕایگەیاند کە بە پێی لێکدانەوەکان لە لایەن دادستێنی ئەستەنبۆڵ، ئەمڕۆ ٦٠ کەس بە تۆمەتی پەیوەندی گرتن لە گەڵ فەتحوڵڵا گولەن لەو وڵاتە دەستگیر کران.

بە ڕاپۆرتی ئاژانسی هەواڵی مێهر بە گێرانەوە لە ڕۆیتێرز، پۆلیسی تورکیا ئەمڕۆ دووشەممە ٥١ سەرباز و ٩ کەسی دیکەی بە تۆمەتی پەیوەندی گرتن لە گەڵ فەتحوڵڵا گولەن قۆڵبەست کرد.

ئەنقەرە لای وایە کە گولەن رێبەریی کوودەتای بێ ئاکامی ساڵی ٢٠١٦ لە دژی ڕەجەب تەیب ئەردۆغان سەرۆک کۆماری تورکیای لە ئەستۆ بووە.

بە گوێرەی ئەو هەواڵە، ٦٠ کەسی دەستگیر کراوە لە نێوان ٨٠ کەسی تۆمەتبار و پاش لێکدانەوەکان لە ٩ پارێزگا لە لایەن دادستێنی ئەستەنبۆڵەوە فەرمانی دەستگیر کرانیان بۆ دەرکراوە.

پاش کوودەتای بێ ئاکام لە تورکیا بەرپرسانی ئەو وڵاتە لانی کەم ١٦٠ هەزار کەسیان لە پەیوەندی بەو ڕووداوە دەستگیر کرد و بە هەمان زەندە کەسیان لە پۆستی دەوڵەتی کشاندەوە.

News Code 21594

نیشانەکان

بۆچوونی ئێوە

You are replying to: .
  • 2 + 13 =