بە ڕاپۆرتی ئاژانسی هەواڵی مێهر بە گێڕانەوە لە ڕۆژنامەی "الشرق الاوسط"، ڕاپۆرتگەلێک لەبارەی ڕەوانەکرانی هەزاران شەڕکەری عەشیرەیی لە پارێزگاکانی حەلەب، دیرەزور و ڕەقە بۆ بەرەی سوەیدا بڵاو بۆتەوە؛ ناوچەگەلێک کە هێشتا لە نێوان هەسەدە، دەوڵەتی سووریا و ئەکتەرانی تردا دابەش بووە. ئەم جموجۆڵە، پەرەی بە گومانەکان لەبارەی دووپاتبوونەوەی سناریۆی سوەیدا لە کوردستانی سووریادا داوە. بەوەشەوە شێخگەلی هۆزە عەرەبەکان و شرۆڤەکارانی کورد بە ئاماژە بە جیاوازیی پێکهاتەیی و سیاسیی ئەو ناوچانە، شیمانەی دووپاتبوونەوەی ئەو سناریۆیە لە کوردستانی سووریادا بەدوور دەزانن.
بەوەشەوە شێخ مەعەن حەمیدی دهام جەربا، سەرۆکی هۆزی شمر، بوونی وەها سناڕیۆیەکی بۆ باکووری ڕۆژهەڵاتی سووریا بەدوور زانی و کەسایەتیی مەزلووم کۆبانی، فەرماندەی هەسەدەی بۆ هاوسەنگییە مێژووییەکان لە قۆناغێکی هەستیاردا نرخاند.
ئەوە لە کاتێکدایە کە هیزی سەربازیی سەنادید، لقی ملیشیای هۆزی شمر بە 7 تا 10 هەزار هێزەوە، لە ساڵی 2013دا یەکێک لە هاوپەیمانانی سەرەکیی هەسەدە بووە و لە سنووری ڕۆژهەڵاتی سووریا لەگەڵ عێراق چالاک بووە.
بەو پێیە بەدر مەلا ڕەشید، شرۆڤەکاری پرسی کوردەکان، لای وایە کە پاڵپشتی سەرەکیی هێزی هەسەدە، هاوپەیمانیی لەگەڵ ئەنجومەنی هۆزە عەرەبەکانە و ئەو ئەگەرچی شیمانەی ڕوودانی سناریۆیەکی وەک سوەیدای لە کوردستانی سووریادا ڕەت نەکردەوە، بەڵام هەڵگیرسانی شۆڕشێکی لەو چەشنەی بەدوور زانی و وتی: پاڵپشتیی ئەمریکا، تێکشکانی ڕێژەیی گەمارۆکان، ڕەوتی ئاشتیی تورکیا و پەکەکە، گرینگترین هۆکارە پێشگرییەکان لە تەشەنەی قەیرانن.
وتیشی: نە گرووپێکی هاوتای ڕەوتەکانی سوەیدا لە باکووری ڕۆژهەڵاتی سووریادایە و نە هێزێکی ناوچەیی کە بیەوێ پەرە بە شەڕی هەسەدە بدات. تورکیاش جاری تەرکیزی لە سەر ئاشتەوایی لەگەڵ کوردەکانی ناوخۆیەتی.
ئەوە لە کاتێکدایە کە لە ناوچەگەلێکی وەک جەزیرە و فورات، کەلێنە عەشیرەییەکان لە ماوەی ساڵانی شەڕی ناوخۆ، زیاتر تەشەنەیان سەندووە و بەوەشەوە ئەکرەم مەحسووش زوبەعا، سەرۆکی ئەنجومەنی شێخەکان لە ئیدارەی خۆسەر و ڕاوێژکاری هۆزی جبووری، لای وایە، نائارامییەکان نابێ بە نمانەیەک بۆ ڕۆژهەڵاتی سووریا وێنا بکرێت و دەڵێ: ئەو جموجۆڵانە نوێنەری بایەخگەلی هۆزە عەرەبەکان نییە و هێزەکانی دیموکراتیکی سووریا سەرەڕای هەوڵی هەندێک ئەکتەر بۆ ئاژاوەنانەوە، هەوڵی داوە نوێنەری هەموو چینەکانی کۆمەڵگا بێت.
Your Comment