بە پێی ڕاپۆرتی ئاژانسی هەواڵی مێهر، سەرۆک کۆمار مەسعوود پزشکیان، لە دیدارێکدا لەگەڵ نوێنەرانی سوننە لە پەرلەمانی ئێران، وتی: یەکگرتوویی، یەکڕیزی و خستنەگەڕر هەموو تواناکان بۆ حوکمڕانی باش و بەرەوپێشچوونی کاروباری وڵات پێویستە.
گرنگی بەکارهێنانی کەسانی بەتوانا و شارەزا بێ گوێدانە بیروباوەڕ و نەتەوە و ئایین، پێویستیی ڕێکخستنەوەی پرسی گرنگی ئاڵوگۆڕی سنووری و چالاکیی دانیشتوانی سنووری لەم بوارەدا وەک یەکێک لە گرنگترین ڕێگاکانی بژێوی ژیانی خەڵک، خێراکردنی جێبەجێکردنی پڕۆژەکانی ژێرخانی پارێزگای سیستان و بەلووچستان، بەتایبەتی پڕۆژەکانی گەشەپێدانی بەندەری چابەهار، و بە لەبەرچاوگرتنی پشکی گونجاو بۆ ئەم پارێزگایە لە پلانی دابینکردنی ئاو لە دەریای عومانەوە، و دروستکردنی سەکۆیەک بۆ گفتوگۆ و لێکتێگەیشتنی زیاتر بۆ نەتەوە جیاوازەکانی وڵاتەکە، گرنگترین نیگەرانییەکان بوون و ئەو داواکارییانەی لەم کۆبوونەوەیەدا وروژێنراون.
Your Comment