پەیوەندی نێوان ئەمریکا و کوردەکانی سووریا قڵشی تێکەوتووە

ویلیام روباک نێردراوی تایبەتی ئەمریکا لە سووریا دەڵێت: پێوەندی نێوان ئەمریکا و کوردانی سووریا و متمانە بە واشنتۆن لای کوردان پاش هێرشی 2019ی تورکیا بۆ باکووری سوریا تووشی کێشە بووە.

بە پێی هەواڵی مێهر، ویلیام روباک، جێگری نوێنەری ئەمریکا لە هاوپەیمانی بەرەنگاربوونەوە لە گەڵ داعش کە لە دوو ساڵی ڕابردو ڕۆڵی نێردراوی تایبەتی ئەمریکا لە ناوچەکانی ژێر کۆنترۆڵی کوردانی سووریای بووە و هەموو کات لە گەڵ کوردان لە هات و چۆدا بوە، وتی: پشتیوانی نەکردنی ئەمریکا لە کوردانی سووریا لە هێرشی 2019ی تورکیا بۆ ناوچەکانی کۆنترۆڵ کراوی کوردان، بۆتە هۆی ئەوەی پێوەندی ئەم دوو لایەنە تووشی خەسار بێت و متمانەی کوردان بە ئەمریکا کەم بێتەوە.

کوردی متمانەی بە ئەمریکا لە دەستدا

ئەو لە وتووێژ لە گەل گۆڤاری سەربازی دیفێنز وان وتی: پاش هێرشی تورکیا، ئەمریکا و کوردانی سووری، قۆناغێکی سەختیان تیپەڕاند. من پێم وایە بەشێکی زۆر لە بایەخ و بڕوای خۆمان لای کوردان لە دەست دا.

ناوبراو دانوستانە ناوخۆییەکانی نێوان کوردانی سووریای وەکوو سەرکەوتنێکی دیپلوماتیک زانی و وتی: هیوادارم پاش سەرکەوتنی دو گرووپی کوردی سووریا، دانوستانی کوردی-عەرەبی دەست پێ بکات گەرچی دەبێ کاری زۆر بۆ بەرەو پێش چوونی ئەم ڕێگایە بکرێت.

ئەمریکا نەیتوانی نۆژەن کاری بکات

 ئەو پێشبێنی داهاتووی سووریای بەهۆی دەستێوەردانی هێزە ناوچەیی و جیهانییەکان کارێکی ئەستەم زانی و وتی: کێشەیەکی جیدی سووریا ئەوەیە کە ژێرخانە پیشەیی و کشتوکاڵییەکانی سووریا خەساری زۆری پێ گەیشتووە و ئەمریکا نەیتوانیوە بە شیوەی شیاو ئەوانە نۆژەن بکاتەوە.

روباک وێڕای ئاماژە بەوەی کە بە نەبوونی ئەمریکا ڕەنگە داعش دیسانەوە لەو ناوچە دەسەڵات بە دەست بگریتەوە، وتی: دەوڵەتی ترامپ نەیدەتوانی باشتر لەوە بەرگری لە کوردانی سووری بکات چونکو ئەنقەرە وەکوو هاوپەیمانی ناتۆی ئەمریکا پێوشوێنی بەرژەوەندییەکانی خۆی دەگرێت.

News Code 35557

نیشانەکان

بۆچوونی ئێوە

You are replying to: .
  • 3 + 0 =