شەڕڤانانی هەسەدە "سەرێ کانی" و "تەل حەلەف" یان کۆنتڕۆڵ کرد

شارۆچکەی سەرێ کانی و تل حەلەف لەلایەن هێزەکانی سووریای دیموکرات (هەسەدە) کۆنترۆڵکرایەوە.

بە ڕاپۆرتی ئاژانسی هەواڵی مێهر، رەنگین شەرۆ، پەیامنێری رووداو رایگەیاند: ئەمڕۆ (سێشەممە ۱۵-۱۰-۲۰۱۹) لەلایەن هێزەکانی سووریای دیموکراتەوە سەرێ کانی و تل حەلەف دوای رووبەڕووبوونەوە و شەڕێکی سەخت کۆنترۆڵکرایەوە.

ئەوەشی وتووە کە تاوەکوو ئێستاش شەڕێکی قورس لە دەروازەی سەرێ کانی و تل حەلەف بەردەوامە.

خەڵکی سڤیل هێشتا لەنێو سەرێ کانی ماون، پەیامنێری رووداو دەڵێت: خەڵکەکە دەیانەوێت بێنەدەرەوە، بەڵام بەهۆی بۆردومانەکانی تورکیا ناتوانن لە شارەکە بێنەدەرەوە.

هاونیشتمانییەکی خەڵکی سەرێ کانی دەڵێت: ئەمڕۆ من لە سەرێ کانی بووم، هیچ شەڕ و ئاڵۆزییەک لەنێو شارەکە نەماوە، شەڕیش تەنیا لە تل حەلەف هەیە.

لە چەند رۆژی رابردوودا لە ناوچەی سەرێ کانی شەڕ و پێکدادان لەنێوان سوپای تورکیا بە پشتیوانیی چەکدارانی ئۆپۆزیسیۆن لەدژی شەڕڤانانی هێزەکانی سووریای دیموکرات (هەسەدە) بەردەوام بوو.

فڕۆکەکانی تورکیاش نێو شارەکەیان بۆردوومان دەکرد. هەرچەندە بۆردوومانەکان و شەڕ تەنگیان بە دانیشتووانی ئەو ناوچەیە هەڵچنی بوو، بەڵام بەشێک لە خەڵکەکەی لەنێو سەرێ کانی نەدەهاتنەدەرەوە و ناوچەکانیان چۆڵ نەدەکرد.

News Code 28913

نیشانەکان

بۆچوونی ئێوە

You are replying to: .
  • 3 + 8 =