تورکیا رێگەی هەڵەی گرتۆتە بەر/ کوردەکان دەبێ لە پەنای سوپای سووریا بن

سەرۆک کۆمار بە ئاماژە بەوەی کە سنوورەکانی باشووری تورکیا تەنیا بە ئامادەبوونی سوپای سووریا دابین دەبێت، جەختی کرد: بڕیاری ئێستای تورکیا و ڕێککەوتنەکانی پشت پەردەی لە بەرژەوەندیی ناوچە نییە و دەبێ تورکیا بە بڕیاریدا بچێتەوە.

بە ڕاپۆرتی ئاژانسی هەواڵی مێهر، حوجەتولئیسلام حەسەن ڕۆحانی ئەوڕۆ (چوارشەممە) لە دانیشتنی دەوڵەت، بە ئاماژە بە نیگەرانییە ڕەواکانی تورکیا بۆ دابین کردنی ئاسایشی سنوورەکانی باشووری ئەو وڵاتە، وتی: لامان وایە بۆ ئەو پرسە دەبێ رێگە و بڕیاری دروست بدرێت.

ڕۆحانی وتیشی: لە دانیشتنی سێ قۆڵیی سەرۆک وڵاتانی ئێران، ڕووسیا و تورکیا ڕاشکاوانە ڕامانگەیاند کە تەنیا بە کشانەوەی ئەمریکا لە ناوچە و هاوکاریی وڵاتانی دیکە و ئامادەبوونی سوپای سووریا لە سنوورەکانی باکووری سووریا و باشووری تورکیا، ئاسایشی ناوچەکە دابین دەبێت و کوردەکانیش کە وڵاتی خۆیانە دەبێ لەوێ پاڵ بدەن بە سوپای سووریاوە.

سەرۆک کۆمار هەروەها جەختی کرد: بڕیاری ئێستای تورکیا و ڕێککەوتنەکانی پشت پەردەی لە بەرژەوەندیی ناوچە نییە، هەر بۆیە داوا لە وڵاتی دۆست و برامان تورکیا و دەوڵەتەکەی دەکەین کە لەوبارەیە وردبینانەتر بڕوانێت و بە بڕیارەکەیدا بچێتەوە.

ڕاشیگەیاند: ئیستا لە دۆخێکداین کە دەبێ ناوچەکە بەرەو ئاسایش و ئاشتی ببەین و ئاوارەکانی سووری خێراتر بگەڕینەوە بۆ وڵاتی خۆیان، هەر بۆیە بڕیاری ئێستای تورکیا بە زیانی ناوچەیە.

ڕۆحانی جەختیشی کرد: کێشەی سەرەکیی ئوڕۆ نەک باکووری سووریا و ڕۆژهەلاتی فورات، بەڵکوو ناوچەی ئەدلەبە کە تێیدا تیرۆریستان کۆبوونەتەوە و پەلیان داکوتاوە و هیوادارین کە وڵاتانی ناوچە لەوبارەیە هاوکاری بکەن و تورکیاش وردبینانەتر بڕوانێت و ناوچەکە لە کێشەیەکی نوێدا وەرنەدات.

News Code 28788

نیشانەکان

بۆچوونی ئێوە

You are replying to: .
  • 3 + 8 =