کۆنفڕانسی خەسارناسی ڕۆژنامەگەری کوردی لە مەریوان بەرێوەدەچێت

ئەندامێکی ئەنجومەنی ئەدەبی مەریوان وتی: مۆڵەتی ناردنی وتار تەواو بووە و تاکوو ئێستە ٦۰ وتار بە نووسینگەی کۆنفڕانسی خەسارناسی ڕۆژنامەوانی کوردی گەیشتووە.

بە ڕاپۆرتی ئاژانسی مێهر لە ماڵپەڕی ئیدارەی فەرهەنگ و ئیرشادی کوردستان، فاتێح موستەفایی لە کۆبوونەوەی خەسارناسی ڕۆژنامەگەری کوردی لە سنە وتی: ئەنجومەنی ئەدەبی مەریوان بە هاوکاری ئیداری فەرهەنگ و ئیرشاد و یانەی چاپەمەنیەکانی  کوردستان بە بیانووی ۱۲۰ ساڵەیی ڕۆژنامەگەری کوردی کۆنفڕانسێک بۆ خەسارناسی ڕۆژنامەگەری کوردی بەڕێوە دەبات.

ئەو زیادی کرد: کۆنفڕانسەکە ٤ی گەلاوێژ بەڕێوە دەچێت و ٦۰ وتاریش گەیشتووەتە نووسینگەی کنفڕاسەکە . ۱۲ وتار بۆ خوێندنەوە لە کۆنفڕانسەکە هەڵبژێردراوە.

مستەفایی وتی: کاریگەری ئینترنت و تۆڕە کۆمەڵایەتییەکان بە سەر ڕۆژنامەگەری کوردی، دۆخی زمان و نووسین لە ڕۆژنامەکان، پێگەی مێدیا کوردییەکان لە ناو خەڵک و بەردەنگی مێدیای کوردی بەشێک لەو تەوەرانەن کە لەم کنفڕاسە دەخرێنە بەر باس و گفتوگۆ.

لە کۆنفڕانسەکە ۳ پەنل بە بەشداری مامۆستایانی زانکۆ لە بواری مێدیا و ڕۆژنامەنووسە کوردەکان و شارەزایانی ئەم بوارە بەڕێوە دەچێت.

News Code 20491

نیشانەکان

بۆچوونی ئێوە

You are replying to: .
  • 5 + 0 =