وەزیری دەرەوەی ئەڵمانیا:

ڕیسای نوێی جیهانی سەرهەڵدانەوەی ئێران، ڕووسیا و تورکیا نیشان دەدات

ناسەی هەواڵ: 4164757 -
وەزیری دەرەوەی ئەڵمانیا لە وتەدانێک لە "کۆڕبەندی سیاسەتی دەرەوەی بەرلین" ڕایگەیاند: "ڕیسای جیهانی نوێ و ڕوو لە سەرهەڵدان شایەدی دزەکردنی بەردەوامی ئێران، ڕووسیا و تورکیا وەک دەسەڵاتە گەورەکان دەبێت".

بە ڕاپۆرتی ئاژانسی هەواڵی مێهر بە گێڕانەوە لە دەیلی سەباح، زیگمار گابریەڵ وەزیری دەرەوەی ئەڵمانیا لە وتەدانی لە "کۆڕبەندی سیاسەتی دەرەوەی بەرلین" وتی ڕیسای جیهانی نوێ و ڕوو لە سەرهەڵدان شایەدی دزەکردنی بەردەوامی ئێران، ڕووسیا و تورکیا دەبێت.

زیگمار گابریەل لە وتەکانی خۆیدا سەبارەت بە سناریۆکانی داهاتوو لە سیاسەتی جیهانی وێرای ڕەخنەگرتن لە سیاسەتی دەرەکیی "دۆناڵد ترامپ" سەرۆک کۆماری ئەمریکا وتی: واشنتۆن ڕۆڵی رێبەرایەتیی خۆی ڕادەست کرد و دەسەڵاتەکانی دیکە لە رۆژهەڵاتی ناڤین و ئەفریقای بە شێوەیەکی ڕوو لە زیادبوون جێگەی ئەو دەگرنەوە.

وەزیری دەرەوەی ئەڵمانیا بە ئاماژە بە بەرزبوونەوەی بەرچاوی پێگەی چین لە ئەفریقا و هەروەها هەوڵی ئێران، ڕووسیا و تورکیا بۆ ڕۆڵگێڕانێکی بە هێزتر لە بیچم دان بە گۆڕانکارییەکانی رۆژهەڵاتی ناڤین، وتیشی: ئێمە دەبینین کە ڕکابەران نوستوون و ئاگاداری دۆخەکە نین.

گابریەڵ کۆبوونەوەی سەرۆک کۆمارانی ئێران، ڕووسیا و تورکیا سەبارەت بە قەیرانی سووریا لە شاری سووچیی بە "هێمای سەرهەڵدانەوەی ئیمپراتوورییە دێرینەکان" زانی.

ڕاشیگەیاند: "ئەو دەسەڵاتە مەزنانەی لە سووچی گردببوونەوە، هاوڕێیانی یەکتری نین. بەڵام ئەوان هاوبەشیگەلێکیان پێکەوە هەیە. هەرکام لەو دەسەڵاتە پەرەدەدن بە هەیمەنە و شکۆی مێژووییان لە ناوخۆ و دەرەوەی وڵاتەکانیاندا".

زیگمار ئاماژەی بەوەش دا: "ئەو دەسەڵاتانە ئامادەی قبووڵ کردنی جۆرێک گوشار بۆ بەهرەمەندبوون لە پێگەی دەسەڵاتێکی مەزنن ... ئەوان زیانەر ئابوورییەکان، تەنگەژە دیپلۆماتیکەکان، سزاگەلی ماڵی، گەمارۆکان و زۆر شتی دیکەی لەوجۆرە قبوول دەکەن تا پاڵپشتی بکەن لە پاگەندەیان بۆ رێبەرایەتیی ناوچەکە و دەسەڵاتی نەتەوەییان نمایش بدەن".

ناوبراو وتیشی کە دەسەڵاتەکانی دیکەی ناوچەش هەوڵی گرتنەبەری سیاسەتی دەرەکیی دلێرانەتر دەدەن.

ناردنی بۆچوون

4 + 0 =