بە ڕاپۆرتی ئاژانسی هەواڵی مێهر، دوانیوەڕۆی ئەمڕۆ شەممە، لە دیدارێکدا لەگەڵ ئەندامانی ئەنجومەنی سەرکردایەتی بزووتنەوەی خۆڕاگری ئیسلامی فەلەستین (حەماس)، مەسعوود پزشکیان، وێڕای ڕێزگرتن لە یادی هەموو شەهیدانی بەرەی خۆڕاگری و پیرۆزبایی سەرکەوتن و دەستکەوتە بەنرخەکانی خەڵکی خۆڕاگر و ستەملێکراوی غەززە لە دژی ڕژێمی زایۆنیستی، وتی: دەستکەوتە گەورەکانی ئێوە و گەلی ستەملێکراو غەززە لە پووچەڵکردنەوەی ئامانجەکانی دوژمنی زایۆنیستی، سەرەڕای ئەو ژمارە زۆرەی شەهیدان کە لە پێناو ڕزگارکردنی خاکەکەتدا قوربانیتان دا، جێگەی دەستخۆشین و پیرۆزبایی ئەم سەرکەوتنە لە هەموو خەباتکاران و هەموو گەلی غەززە دەکەین.
سەرۆک کۆمار زیاتر جەختی لەسەر پێویستی دروستکردنی هاوپەیمانییەکی نێودەوڵەتی بە تایبەتی بە بەشداریی وڵاتانی ئیسلامی بۆ یارمەتیدانی خەڵکی غەززە و ئاوەدانکردنەوەی ناوچەکە کردەوە و ئاماژەی بەوەشکرد: بە هاوکاریی یەکتر، بە دڵنیاییەوە وڵاتانی ئیسلامی دەتوانن غەززە ئاوەدان بکەنەوە و ژیان بۆ گەلی موسڵمانی ئەم ناوچەیە بگەڕێننەوە.
Your Comment