بە ڕاپۆرتی ئاژانسی هەواڵی مێهر، عەلی ئەکبەر ویلایەتی ڕاوێژکاری ڕێبەری ئێران لە کاروباری نێودەوڵەتی لە دیداری گریگۆر هاکۆپیان، باڵوێزی ئەرمەنستان لە تاران، سەبارەت بە دوا گۆڕانکارییە ناوچەیی و نێودەوڵەتییەکان گفتوگۆیان کرد.
ویلایەتی لەو دیدارەدا اپلانی ناسراو بە "ترامپ"ی بۆ قەفقاز بە هەمان پلانی "دالانی زەنگەزوور" زانی و وتی: ئێران هەر لە سەرەتای باسکرانی پلانی دالانی زەنگەزوور بە توندی دژایەتی خۆی بۆ گۆڕینی سنوورەکان و گۆڕانکاریگەلێک کە دەبنە هەڕەشە بۆ سەر وڵات، دەربڕی و ئێستاش بە توندی لە دژی ئەو پلانە دەوەستێت.
وتیشی: هۆکاری سەرەکیی دژایەتی ئێران لەگەڵ ئەو پلانە، ڕێخۆشبوون بۆ ئامادەبوونی ناتۆ لە باکووری ئێران و کەوتنە مەترسیی ئاسایشی باکووری ئێران و باشووری ڕووسیایە.
Your Comment