ده‌وڵه‌تی تورکیا هه‌واڵێک له‌ ئۆجه‌لان بدات ده‌سبه‌جێ شه‌ڕ ده‌وه‌ستێ

سیاسه‌توانی ناسراوه‌ی کوردی تورکیا ده‌وڵه‌تی ئه‌نقه‌ره‌ی دڵنیا کرده‌وه‌ که‌ ئه‌گه‌ر زانیاری له‌سه‌ر ته‌ندروستی ئۆجه‌لان بدات، ده‌سبه‌جێ شه‌ڕ له‌و وڵاته‌ ده‌وه‌ستێت.

به‌ ڕاپۆرتی ئاژانسی هه‌واڵی مێهر، ئه‌حمه‌د تورك که‌ هاوکات هاوسه‌رۆكی شاره‌وانیی مێردینیشه‌ له‌ چاوپێكه‌وتنێك له‌گه‌ڵ رۆژنامه‌ی جمهورییه‌ت به‌ ده‌ربڕینی نیگه‌رانی خۆی سه‌باره‌ت به‌ ته‌ندروستی  ئۆجه‌لان رایگه‌یاند وه‌ستانی شه‌ڕ و پێكدادان په‌یوه‌سته‌ به‌ زانینی هه‌واڵێك له‌ ته‌ندروستی ئۆجه‌لان.

ئه‌حمه‌د تورك رایگه‌یاند ئۆجه‌لان مرۆڤێكی ئاسایی نییه‌ و ئه‌گه‌ر حكوومه‌ت داوای وه‌ستانی شه‌ڕ ده‌كات، پێویسته‌ هه‌واڵێك له‌ ره‌وشی ئۆجه‌لان بدات.

له‌ سه‌ر ئه‌م هه‌واڵه‌ کوردستان ۲۴ نوسی: ئه‌حمه‌د تورک نیگه‌رانی خۆیشی سه‌باره‌ت به‌م پرسه‌ و شه‌ڕ و پێكدادان ده‌ربڕی و وتی بۆ راگرتنی ئه‌و شه‌ڕه‌ هه‌وڵمان دایه‌ و به‌ڵام نازانین ئۆجه‌لان زیندووه‌ یان نا. ئه‌گه‌ر ده‌وڵه‌ت به‌ راستی داوای راگرتنی شه‌ڕ ده‌كات، پێویسته‌ هه‌واڵێك له‌ ئۆجه‌لان هه‌بێت و پاشان رێگه‌ بۆ گێڕانی رۆڵی سیاسه‌تی سڤیل ده‌كرێته‌وه‌.

هاوسه‌رۆكی گه‌وره‌ شاره‌وانی مێردین سه‌باره‌ت به‌ چاره‌سه‌ركردنی پرسی كورد له‌ تورکیا رایگه‌یاند پرسی كورد ته‌نیا به‌ رێگه‌ی دیالۆگ و دانوستان چاره‌سه‌ر ده‌كرێت، به‌ڵام ئه‌وه‌ی كه‌ ئیستا هه‌یه‌ پرسی ته‌ندروستی  ئۆجه‌لانه‌ كه‌ نازانین زیندووه‌ و ره‌وشی ته‌ندروستی چۆنه‌ و‌ سه‌باره‌ت به‌م پرسه‌ نیگه‌رانییه‌كی زۆر هه‌یه‌.

پێشی وایه‌ چاوپێكه‌وتنێكی پێنج خوله‌كی ده‌توانێ ره‌وشه‌كه‌ ئاسایی بكاته‌وه‌، كه‌ خه‌ڵك نیگه‌رانی ره‌وشی ئۆجه‌لانه‌.

News Code 5245

نیشانەکان

بۆچوونی ئێوە

You are replying to: .
  • 5 + 12 =