بە ڕاپۆرتی ئاژانسی هەواڵی مێهر، ئیسماعیل بەقایی، وتەبێژی وەزارەتی دەرەوەی ئێران لە وتووێژێکی ڕادیۆیی، وێڕای ڕەتکردنەوەی دەنگۆکان لەبارەی ئەنجامدرانی هەر جۆرە دانوستانێک لە نێوان تاران و واشنتۆن و ناوبژیی چەندین وڵاتی بیانی، وتی: تاقە ڕێگەی دیپلۆماسیی ڕوون لە ڕێگەی نووسینگەی پاراستنی بەرژەوەندییەکانی دوو وڵات (باڵوێزخانەی سویسرا لە تاران و باڵوێزخانەی پاکستان لە واشنتۆن) بووە و ئاساییشە کە وڵاتانێک وەک ناوبژی و لە کات و ساتی جۆراوجۆردا پەیامەکانی نێوان دوو وڵاتیان ئاڵوگۆڕ کردووە.
وتەبێژی وەزارەتی دەرەوەی ئێران بە ئاماژە بە سەفەری وەفدێکی ئاژانس بۆ ئێران بۆ گفتوگۆ و نەک پشکنین، سەبارەت بە هەڵویستی ئێران هەمبەر بە ئاژانسی نێودەوڵەتی وزەی ئەتۆمیم وتیشی: بە توندی ناڕازین لە هەڵسوکەوتی ئاژانس و بۆمان دەرکەوتووە کە وڵاتانی ڕۆژئاوایی و بەتایبەت ئەمریکا و ترۆئیکای ئەورووپی بۆ گوشارخستنە سەر ئێران و بە لارێدابردنی ڕاستییەکان، کەڵکئاوەژووییان لەو ناوەندە نێودەوڵەتییە کردووە.
بەقایی هەروەها لەبارەی پرسی میکانیزمی "سنەپ بەک" و ئاماژە بە هەوڵی پاگەندەیی میدیا بیانییەکان بۆ نانەوەی شەڕی دەروونی، ڕایگەیاند: دابەزینی ئاستی بەرپرسایەتییەکانی ئێران وەک بنەمای پێناسەیی میکانیزمی سنەپبەک، کاردانەوەیەکی تەواو یاسایی بووە بە پێی خودی بەرجام بۆ کشانەوەی نایاسایی ئەمریکا و ناپابەندیی لایەنە ئەورووپییەکان بە بەڵێنەکانیان.
جەختی لەوەش کرد: ئەگەرچی پێشترین قورسترین گەمارۆکان بەسەر ئێراندا سەپاوە، بەلام هەر هەوڵێک بۆ گەڕاندنەوەی گەمارۆکانی ئەنجومەنی ئاسایش، کاردانەوەی توندی ئێرانی بەدواوە دەبێت.
Your Comment