بە ڕاپۆرتی ئاژانسی هەواڵی مێهر، بڕیارە هەفتەی داهاتوو رەجەب تەیب ئەردۆغان، سەرۆک کۆماری تورکیا بچێتە عێراق و لەوانەیە سەردانی هەولێریش بکات.
دامەزراوەی کوردستان واچ لە ئەمریکا نووسی: تورکیا گرێبەستێکی 50 ساڵەی لەگەڵ هەرێمی کوردستان واژۆ کردووە. ئەردۆغان دەیەوێت لە سەفەری بۆ عێڕاق و هەرێم ئەو گرێبەستە یەکلا بکاتەوە و هەناردە کردنی نەوتی هەرێم بۆ تورکیا دەستپێبکاتەوە.
ئەو دامەزراوە پاگەندەی کردووە کە ئەردۆغان دەیەوێت جودا لە نەوتی هەرزان، گازی سروشتی ئەو ناوچەیەش دەست بخات.
ئەو دامەزراوە جەختی کردووە کە ئەردۆغان بۆ گەییشتن بە ئامانجەکانی ئامێرگەلێک وەکوو ئاو و پەکەکە بەکار دەهێنێت.
Your Comment