مەرجەکانی موقتەدا سەدر بۆ بەشداری لایەنە دۆڕاوەکان لە کابینەی داهاتووی عێراق

موقتەدا سەدر ڕێبەری ڕەوتی سەدر بە داخوازی لە لایەنە دۆڕاوەکان لە هەڵبژاردنەکانی عێراق بۆ قبووڵ کردنی شکست و خۆبواردن لە خستنی لەمپەر لەسەر ڕێگای دیمۆکراتیک لە ئەو وڵاتە، بۆ بەشدارییان لە کابینەی داهاتووی عێراق مەرجی دیاری کرد.

بە ڕاپۆرتی ئاژانسی هەواڵی مێهر لە ئەلجەزیرە، موقتەدا سەدر ڕۆژی پێنجشەممە لە کۆنفڕانسێکی ڕۆژنامەڤانی لە شاری نەجەف ڕایگەیاند هێشتا لەسەر پێکهێنانی دەوڵەتی زۆرینەی نیشتمانی و دژایەتی لەگەڵ پێکهێنانی دەوڵەتی هاوپەیمانی جەختی هەیە و تەنیا بژاردە بوونی دەوڵەتێکی زۆرینەی نیشتمانی یان کۆمەڵێک ئۆپۆزیسیۆنی نیشتمانی دەزانێت.

سەدر لایەنە سیاسییە دۆڕاوەکان لە هەڵبژاردنەکانی مانگی ڕابردوو عێراق وتی: نابێت شکستی ئێوە، پێشەکییەک بۆ کۆتایی هاتنی ڕەوتی دیمۆکراتیک لە وڵات بێت.

موقتەدا سەدر هەروەها وتی: هەوڵەکانی ئێستای ئێوە، دەبێتە هۆی لەناوچوونی مێژووتان و دوور بوونەوەی هەرچی زیاتری خەڵک لە ئیوە و ئەگەر دەتانەوێت دەوڵەت پێک بێت کەسە تاوانبارەکان بە گەندەڵی ڕادەستی سیستەمی دادوەری بکەن. هەروەها حەشدی شەعبی لە کەسانی بێ بەند و بار بسڕنەوە.

موقتەدا سەدر بۆ بەشداری لایەنە دۆراوەکان لە هەڵبژاردن لە ڕەوتی پێکهێنانی کابینەی نوێی عێراق پێنج مەرجی دیاری کرد کە گرینگترینیان هەڵوەشاندنەوەی سەرجەم گرووپە چەکدارەکان و پاک کردنەوەی حەشدی شەعبی لە هێزە ناڕێکوپێک و بێ بەند و بارەکانە.

هەروەها داوای لە لایەنە چەکدارە نادەوڵەتییەکان کرد کە چەکەکانیان رادەستی دەوڵەت بکەن.

News Code 40025

نیشانەکان

بۆچوونی ئێوە

You are replying to: .
  • 8 + 2 =