هەولێر هەوڵ دەدات ئەو کوردانەی کە تورکیا ڕادەستی بەرەی نوسرەیانی کردووە، بگەڕێنێتەوە

ئاری جەلال سەرۆکی ڕێکخراوی لووتکە چالاک لە بواری ئاوارەکان لە عێراق ڕایگەیاند ئەو ڕێکخراوە 55 پەنابەری کورد کە دەولەتی تورکیا ڕادەسی ڕێکخراوی تیرۆریستی بەرەی نوسرەیانی کردووە، بگەڕێنێتەوە هەرێم.

بە ڕاپۆرتی ئاژانسی هەواڵی مێهر، ئاری جەلال لە کۆنگرەی ڕۆژنامەڤانی ڕایگەیاند: بە هاوکاری وەزارەتی کاروباری ئاوارە و پەنابەرەکان و وەزارەتی دەرەوەی عێراق، کارە سەرەتاییەکانی ئەو هەوڵە ئەنجام دراوە و ئەو بنکەیە چاوەڕوانی کۆتایی کارە یاساییەکان لە هاوکاری لەگەڵ دەوڵەتی تورکیا بۆ گەڕانەوەی سەرجەم پەنابەرەکانە.

سەرۆکی ڕێکخراوی کاروباری ئاوارەکانی عێراق زیادی کرد: دۆخی جەستەیی ئەو کەسانە باشە و ئێستاکە لە کەمپێک ژیان دەکەن و هیچ جۆرە مەترسییەک لە سەر گیانی ئەو کەسانە نیە.

شیاوی باسە کە مانگی ڕابردوو دەوڵەتی تورکیا دەیان پەنابەری کوردی هەرێمی کوردستان ڕادەستی بەرەی نوسرە لە سووریا کردووە.

News Code 38950

نیشانەکان

بۆچوونی ئێوە

You are replying to: .
  • captcha