نوێترین هەڵوێستی دوژمنانەی وەزیری دەرەوەی سەعوودیە دژی ئێران

وەزیری دەرەوەی سەعوودی لە وتەدانێکدا کە بە شێوەی ویدیۆ کۆنفڕانس لە لایەن ناوەندە ێکۆڵینەوەییەکانی ئەمریکاوە بەڕێوە چوو، دژی ئێران باسی کرد.

بە پێی هەواڵی مێهر بە گوێرەی ئەلخەلیج ئەلجەدید، فەیسەڵ بێن فەرحان وەزیری دەرەوەی عەرەبستان ڕایگەیاند: پێوەندی ئێمە لە گەڵ قەتەر زۆر باشە و دوو وڵات بۆ گەشەی شۆرای هاوکاری خەلیج فارس هەوڵ ئەدەن.

بێن فەرحان سەبارەت بە پێوەندی وڵاتانی شۆرای هاوکاری خەلیج فارسیش ڕایگەیاند: ڕێککەوتنی ئەلعەلا بووە هۆی لە ناوچوونی دووبەرەکییەکان و کارکردی خۆی بۆ گەشەی یەکیەتی شۆرای هاوکاری خەلیج فارس سەلماند.

سەرۆکی دەزگای دیپلۆماسی عەرەبستان سەبارەت بە کوشتنی جەماڵ خاشۆقچی، ڕۆژنامەگەری ڕەخنەگری سەعوودی وتی: بکوژەکانی خاشۆقچیمان موحاکمە کرد و کارێکمان کرد کە پات نەبوونەوەی وەها ڕووداوێک بۆ هەتا هەتایە گەرەنتی بکرێت.

ئەو وتیشی: عەرەبستان لە ڕێگای ڕێکخراوەکانی خۆیەوە گەرەنتی دەکات کە ئیدی شتێکی وەها لە لایەن دەزگاکانی ئاسایش و هێمنایەتییەوە ڕوو نادات.

ناوبراو ڕوونی کردەوە عەرەبستان ئێستا نایەوێ پێوەست ببێتە ڕێککەوتنی سازین لە گەڵ ڕژیمی زایۆنی. بە بێ چارەسەر کردنی کێشەی فەلەستینی- ئیسرائیلی، ئاسایشی هەمیشەیی لە ناوچە بوونی نابێت و دەبێ ڕێگایەک بۆ پێک هێنانی دەوڵەتی فەلەستین بدۆزرێتەوە.

ئەو هەروەها لە وتەهایەکی دژبەرانەدا ڕایگەیاند: بەو مەرجەی ڕێگری لە دەستڕاگەیشتنی ئێران بە چەکی ناڤۆکی گرەنتی بکرێت، عەرەبستان لە گەڵ بڕیاری دەوڵەتی بایدن بۆ ڕێککەوتن دژایەتی ناکات.

News Code 38524

نیشانەکان

بۆچوونی ئێوە

You are replying to: .
  • 4 + 14 =