ئۆتۆمبێلی هێزەکانی پێشمەرگە بە شەڕکەر یان فڕۆکەی بێ فڕۆکەوان هێرشی کراوەتە سەر

یەکێک لە ئەفسەرەکانی وەزارەتی پێشمەرگە ڕایگەیاندووە: ئۆتۆمبێلی هێزەکانی پێشمەرگە بە شەڕکەر یان فڕۆکەی بێ فڕۆکەوان هێرشی کراوەتە سەر.

بە پێی هەواڵی مێهر، پاش ئەوەی کە ڕۆژی شەمە ئۆتۆمبێلی هێزەکانی پێشمەرگە لە کێوی متینا لە پارێزگای دهۆکی هەرێمی کوردستان کرایە ئامانج و 5 هێزی پێشمەرگە کوژران و 4 کەسیش بریندار بوون، قادر خورانی لە ئەفسەرانی وەزارەتی پێشمەرگە و فەرماندەی سەربازی حیزبی یەکیەتی نیشتمانی کوردستان لە لاپەڕەی فەیس بووکی خۆیدا ڕایگەیاند: بە پێی ئەزموون و پسپۆڕی خۆم و لێکدانەوەی وێنەکانی ئەم هێرشە، دیارە ئۆتۆمبێلی هەڵگری پێشمەرگەکان پاجیرۆی سەربازی بووە و گولە ناتوانێ دزەی تێ بکات و تێکی بشکێنێ.

ئەو داکۆکی دەکات گەر ئەم هێرشە لە ڕێگای گولە یان مووشەکەوە ڕووی دەدا، دەبووا جەستە و میچی ئۆتۆمبێلەکەشی تووشی خەسار ببوایا بەڵام ئەم مووشەکە بەرەو میچی ئۆتۆمبێلەکە هاوێژرا بوو.

هەروەها ئاماژەی کردووە کە پێشمەرگە بریندارەکانیش ڕایانگەیاندووە هێچ پێکدادانێک نەبووە و لە ناکاو مووشەک لە ئۆتۆمبێلەکە دراوە و لە وینەکانیشدا دیارە کە مووشەکێک لە ئاسمان و لە ڕێگەی شەڕکەر و فڕۆکەی بێ فڕۆکەوانەوە لە ئۆتۆمبێلەکە دراوە.

قادر خورانی داکۆکی کردووە بە ڕای من ئەوەی ڕووی داوە، ڕووداوێکی تیرۆریستی بووە کە بە مەبەستی سیاسی و دژی هێزی پێشمەرگەی هەرێم بەڕێوە چووە و ئەوان بوونەتە قوربانی پیلانێکی پیس کە مەبەستی سەرەکی لەو پیلانە، پێک هێنانی شەڕی کورد دژی کورد و وێران کردنی هەرێمی کوردستانە.

News Code 37666

نیشانەکان

بۆچوونی ئێوە

You are replying to: .
  • 5 + 2 =