ئاوی دەریاچەی دەربەندیخانی سلێمانی ژەهراوییە/ مەترسی چەندین نەخۆشی هەیە

ئه‌ندامێكى په‌رله‌مانى كوردستان ئاشكرای ده‌كات کە ئاوی دەریاچەی دەربەندیخان بەشێوەیەکی مەترسیدار پیس بووە و مەترسی گەورەی چەندین نەخۆشی ھەیە لەوانە شێرپەنجە.

بە پێی ڕاپۆرتی ئاژانسی هەواڵی مێهر، عه‌لى حه‌مه‌ساڵح ئه‌ندامى په‌رله‌مانى كوردستان له‌یاداشتێكدا كه‌ ئاراسته‌ى سه‌رۆكایه‌تى په‌رله‌مانى كردووه‌ ده‌ڵێت:"ئاوی دەریاچەی دەربەندیخان بەشێوەیەکی مەترسیدار پیسبوەو مەترسی گەورەی چەندین نەخۆشی ھەیە لەوانە شێرپەنجە".

ئه‌و په‌رله‌مانتاره‌ نوسیویه‌تى:"پاشماوەی پاڵاوگەو گۆڕەپانی نەوت‌و تێزابی تانجەرۆو سلێمانی‌و ئێران دێتە دەریاچەی دەربەندیخانه‌وه‌ و بڕێکی زۆر قوڕقوشمی تێدایە، شەش ڕۆژ جارێک ئەم ئاوە بەسەر ھاووڵاتیاندا دابەش دەکرێت بەبێ ھیچ فلتەرێک، بەپێی پشکنینەکانیش نەک بۆ خواردنەوە  بۆ ھیچ بەکارھێنانێک نابێت‌و نەخۆشی پێست دروستدەکات".

به‌وته‌ى عه‌لى حه‌مه‌ساڵح، "پڕۆژەی ئاوی دەربەندیخان کە 40%ى تەواوبوە، ئێستا وەستاوە کە دەیتوانی گرفتی ئاو چارەسەربکات".

News Code 36959

نیشانەکان

بۆچوونی ئێوە

You are replying to: .
  • 5 + 11 =