ئامادەی گۆڕینەوەی زیندانیان لەگەڵ ئەمریکاین/ڕێگای دیپلۆماسی کراوەیە

وتەبێژی دەوڵەت وتی: ئێمە ئامادەین هەموو زیندانییەکان لە نێوان ئێران و ئەمریکا بگۆڕینەوە و ئەگەر تا ئێستاش ئەوە ڕووی نەداوە بەبۆنەی ئامادە نەبوونی ئەمریکا بووە.

بە ڕاپۆرتی ئاژانسی هەواڵی مێهر، عەلی ڕەبێعی وتەبێژی دەوڵەت سەرلەبەیانی ئەمڕۆ سێشەممە لە کۆنگرەی ڕۆژنامەڤانی کە بە شێوەی ئۆنلاین بەڕێوە چوو، بە ئاماژە بە پرسی ڕێککەوتنی ناڤۆکی وتی: لە ڕۆژانی ڕابردوو، پێوەندی دەرەکی ئێران، یەکێک لە گرینگترین قۆناغەکانی مێژووی سیاسی تێپەڕاند و پرسی ڕێککەوتنی ناڤۆکی لە ناوەندی پێوەندیی سازێنەری نێودەوڵەتی سەرۆک کۆمار و هەندێک هاوتاکانی سەبارەت بە ڕێککەوتنی ناڤۆکی بوو.

وتەبێژی دەوڵەت وتیشی: ئەمڕۆکە وڵاتانێکی زۆر بە نیازپاکییەوە خەریکن هەوڵ دەدەن بۆ بووژانەوەی ڕێککەوتنی ناڤۆکی. دڵنیاین کە لە داهاتوویەکی نزیک ئەو ئامانجە دێتە دی چونکوو تەنیا ڕێگایەکە کە دابینکەری ئاشتی لە جیهان و مسۆگەرکەری بەرژەوەندیی هەموو وڵاتەکانە. ڕێککەوتنی ناڤۆکی پەسەندکراوێکی یاسایی نێودوەڵەتییە و ئەمریکا چارەیەکی جگە گەڕانەوە بۆ ئەو یاسایە نییە.

ناوبراو جەختی کرد: ئەبێ ئەوەش بڵێم کە لە چوار ساڵی ڕابردوو ئێمە ڕێگای دیپلۆماسیمان کراوە هێشتەوە، نەک ئەوان و ئەمڕۆ کەسێک کە ئەبێ یەکەم هەنگاو لە ڕێگای دیپلۆماسی هەڵبنێت، ئەوانن نەک ئێمە.

ڕەبێعی لە درێژەدا زیادی کرد: ئەمریکا لە دۆخێکدا نییە کە بۆ ئەنجامی بەڵێنە نێودەوڵەتییەکانی خۆی مەرج دابنێت. بە پێچەوانەی ئەمریکا کە لە ڕێگای گەڕانەوە بۆ ڕێککەوتنی ناڤۆکی خۆی گێل دەکات، ئێرنا ئامادەیە کە هەرچی خێراتر و هاوکات لەگەڵ ئەندامانی تری ڕێککەوتنی ناڤۆکی و ئەمریکا بەڵێنەکانی خۆی جێبەجێ بکات. بە پێی سیاسەتی ڕاگەیێندراو و یەکلایی ڕێبەری باڵا، تەنیا ڕێگای زیندوو کردنەوەی ڕێککەوتنی ناڤۆکی هەڵوەشاندنەوەی گەمارۆکان و گەڕانەوەی هەموو لایەنەکان بۆ سەر بەڵینەکانیانە.

ئامادەی گۆڕینەوەی زیندانیان لەگەڵ ئەمریکاین

وتەبێژی دەوڵەت لە وەڵام بە پرسیارێک لەسەر ئەگەری ڕێککەوتن لەگەل ئەمریکا لەسەر ڕێککەوتنی ناڤۆکی و گۆڕینەوەی زیندانیان وتی: هەڵوێستەکانی ئێمە لەسەر رێککەوتنی ناڤۆکی نەگۆڕیوە و هێشتا پێمان وایە کە ئەمریکا لە ڕێککەوتنی ناڤۆکی چووەتە دەرەوە و پێشێل کەری بڕیارنامەی 2231 ی ئەنجومەنی ئاسایشە.

وتەبێژی دەوڵەت بە وتنی ئەوەی کە سەبارەت بە گۆڕینەوەی زیندانیان خاڵی نوێی زۆر هەیە، وتی: پێشتریش وەزیری دەرەوەی ئێران هەڵوێستی ئێرانی بەیان کردووە، ئێمە ئامادەین کە هەموو زیندانییەکان بگۆڕینەوە. ئەگەریش تا ئێستا ئەوە ڕووی نەداوە بە بۆنەی ئامادە نەبوونی دەوڵەتی ئەمریکاوە بووە.

News Code 36349

نیشانەکان

بۆچوونی ئێوە

You are replying to: .
  • 3 + 15 =