بە ڕاپۆرتی ئاژانسی هەواڵی مێهر، محەمەد موخبێر پێش نیوەڕۆی دوێنێ لە ڕێوڕەسمی ڕوونوێنی لە 5700 گەڵاڵەی دروست کردنی هەلی کار لە سنە، وتی: لێژنەی بەڕێوەبەرایەتی فەرمانی ئیمام 5700 گەڵاڵەی ڕەخساندنی هەلی کاری بە 500 ملیار تمەن لە سنە ڕوونوێنی کرد.
ناوبراو وتیشی: ئەو پێنج هەزار و 700 گەڵاڵە بۆ 16 هەزار کەس لە کوردستان هەلی کاری ڕەخساندووە.
سەرۆکی بەڕێوەبەرایەتی فەرمانی ئیمام ڕایگەیاند: هەزار و 500 گەڵاڵە لە ئەو ژمارەیە بە کۆڵبەرەکان تەرخان کراوە کە بۆ 4 هەزار و 500 کۆڵبەر لە پارێزگای کوردستان هەلی کاری ڕەخساندووە.
موخبێر ئەوەشی ڕاگەیاند کە لێژنەی بەڕێوەبەرایەتی فەرمانی ئیمام هەزار و 93 گەڵاڵەی بە 3 هەزار و 279 هەلی کاری لە کرماشان و 407 گەڵاڵە و هەزار و 221 هەلی کاریشی لە ئازەربایجانی ڕۆژاوا بۆ کۆڵبەرەکان بەڕێوە بردووە.
ناوبراو وتیشی: کارە ڕەخساوەکان لە بوارەکانی فەرش، ئاژەڵداری، پیشەی دەستی و بەشەکانی ترە کە بە پێداویستی و بەستێنی پارێزگاکانی پێناسە کراوە و بەڕێوە چووە.
Your Comment