پێشوازی زەریف لە پێشنیاری قەتەر بۆ دانوستانی وڵاتانی عەرەبی لەگەڵ ئێران

محەمەد جەواد زەریف وەزیری دەرەوەی ئێران لە پێشنیاری هاوتا قەتەرییەکەی خۆی بۆ گفتوگۆی ولاتانی عەرەبی کەنداوی فارس لەگەڵ ئێران پێشوازیی کرد.

بە ڕاپۆرتی ئاژانسی هەواڵی مێهر، محەمەد جەواد زەریف شەوی سێشەممە لە هەژماری تویتەری خۆی نووسی: ئێران لە بانگهێشتی محەمەد بێن عەبدولڕەحمان وەزیری دەرەوەی قەتەر بۆ گفتوگۆی بەربڵاو لە ناوچەکە پێشوازی دەکات.

وەزیری دەرەوەی ئێران زیادی کرد کرد: هەر ئەو جۆرە کە بەردەوام جەختمان کردووە ڕێگای چارەی کێشەکانی ئێمە لە هاوکاری کردن بۆ پێکهێنانی ناوچەیەکی بەهێزدایە: ئاشتیخوازانە، سەقامگیر، شکۆمەند و بەدوور لە هێژموونی جیهانی و ناوچەیی.

شێخ محەمەد بێن عەبدولڕەحمان ئال سانی وەزیری دەرەوەی قەتەر کە دەمێکە خوازیاری بەڕێوە چوونی کۆبوونەوەی نێوان ڕێبەرانی شەش ئەندامی ئەنجومەنی هاریکاری کەنداوی فارس و کۆماری ئیسلامییە، لە گفتوگۆ لەگەڵ بلۆمبێرگ وتی: دەوڵەتی قەتەر هیوادار بوو کە ئەو ڕووداوە بکەوێت و ئێە هێشتاش پێمان وایە کە ئەو ڕووداوە ئەبێ بکەوێت.

عەبدولڕەحمان ئال سانی لە درێژەدا زیادی کرد: گفتوگۆ لەگەڵ ئێران پرسێکە لە لایەن وڵاتانی ئەنجومەنی هاریکاری کەنداوی فارسەوە بەردەوام دێتە ئاراوە.

بەرپرسی باڵای دیپلۆمسی قەتەر سەبارەت بە ئەگەری گفتوگۆی نێوان ئەمریکا و ئێرانیش وتی: قەتەر لە ئەگەری داخوازی لایەنەکان گفتوگۆکان ئاسان دەکاتەوە و پشتیوان دەکات لە هەر کەسێک کە بۆ ئەو کارە هەلدەبژێردرێت. ئێمە سەرکەوتنمان دەوێت، دەمانەوێت ڕێککەوتن بکرێت.

News Code 35651

نیشانەکان

بۆچوونی ئێوە

You are replying to: .
  • 9 + 5 =