زانکۆی کوردستان ڕێزی لە ژینگە پارێزێکی ناسراوی سنەیی گرت

حەمید مەلیکولکەلامی ژینگەپارێزی بەناوبانگی سنەیی لە لایەن زانکۆی کوردستانەوە ڕێزی لێ گیرا.

بە پێی هەواڵی مێهر، ڕۆژی پێنشەممە زانکۆی کوردستان میوانداری ژینگەپارێزی سنەیی حەمید مەلیکولکەلامی بوو کە بە هۆی ئاکاری چاک و هەستی بەرپرسیاریەتییان لە پاراستنی ژینگە ڕێزی لێ گیرا.

لەم ڕێوڕەسمەدا سەرۆکی زانکۆی کوردستان ڕیزنان لەم کەسایەتییەی وەکوو ئەرکی زانکۆ باس کرد و وتی کەسێکی وەها دڵسۆز و خەمخۆری سروشت دەبێ ببێ بە نمانە بۆ بەرەی لاو و داهاتووی شارەکە.

دوکتۆر ڕەحمەت سادقی هەروەها ئاماژەی بە کار و چالاکییەکانی ئەو بەڕێزە کرد و ڕایگەیاند: بەشداربووانی ئەم کۆبوونەوە نیشانیان داوە کە چەندە سروشتیان بە لاوە گرینگە و هەمووان دەبی ڕێگای بەڕێز مەلیکولکەلامی بگرینە بەر و بە هۆی کاریگەری ژینگە لە ژیانی هەموومان، بە هەستیارییەوە ڕووبەڕووی ئەو بابەتە ببینەوە و خۆمان بەرپرسیار بزانین لەبەرانبەر ئەو بابەتە گرینگە.

ئەو لە درێژەشدا ئاماژەی بە ڕۆڵی زانکۆکان لە پاراستنی ژینگە کرد و وتیشی: هەوڵ ئەدەین کار و چالاکی و لێکۆڵینەوەکانمان بەرەو ئەم بابەتە ببەین و خوێندکارانی بەرپرسیار و وشیار و وریا لە بەرانبەر ژینگە بنێرینە نێو کۆمەڵگاوە.

سەرۆکی شارەوانی شاری سنەش وێڕای ئاماژە بە کار و چالاکی حەمید مەلیکولکەلامی، وتی: بە هۆی خزمەت کردنی زۆر لە پێناو سروشت و پاراستنی ژینگە، سەری ڕێز دادەنەوێنم بۆ ئەو شارۆمەندە بەرپرسیارە.

لە درێژەشدا دوکتۆر نەقی شەعبانیان مامۆستای بەشی ژینگەی زانکۆی کوردستان و سەلاح حەقیقیان بەرپرسی بنکەی شاخەوانانی کوردستانیش سەبارەت بە چالاکییەکانی ئەو بەڕێزە باسیان کرد و داوای هاوکاری زیاتری ڕێکخراوە دەوڵەتییەکانیان بۆ پاراستنی ژینگە کرد.

شیاوی ئاماژەیە حەمید مەلیکولکەلامی، چالاکێکی ژینگە پارێزی سنەییە کە ماوەی زیاتر لە 50 ساڵە لە گوێزەکوێری ئاویەری سنە میوانداری سنەییەکان دەکات و جگە لەوەش بە کۆ کردنەوەی زبڵ، چاندنی نەمام و ئاودانی نەمام و... بۆ پاراستنی ژینگە و بە تایبەت بەشی گوێزەکوێر هەوڵی داوە و بۆتە هۆی چوونی ژمارەیەکی زۆری خەڵکی ئەم شارە بۆ ئەو شوێنە سروشتییە و هەر بە بۆنەی ئەو خزمەتانەوە زانکۆی کوردستان لە ڕیوڕەسمێکدا ڕێزیان لێ گرت.

News Code 35579

نیشانەکان

بۆچوونی ئێوە

You are replying to: .
  • 3 + 11 =