بەرهەمێکی ناوازەی جان دۆست بە زمانی فارسی بڵاو کرایەوە

ڕۆمانی میرنامە بەرهەمی نووسەری ناسراوی خەڵکی کۆبانی، جان دۆست، لە لایەن دوکتۆر جەماڵ ئەحمەدی وەرگێڕدراوەتە سەر زمانی فارسی.

بە پێی ڕاپۆرتی ئاژانسی هەواڵی مێهر، ڕۆمانی میرنامە کە جان دۆست بیست ساڵ پێوە سەرقاڵ بووە و لە نێوان هەموو نووسراوەکانیدا، ئەم ڕۆمانەی بەرهەمێکی ناوازەیە.

جان دۆست لە میرنامەدا ئاوڕ لە ستەم و زوڵم و زۆری هەندێ میر و ئاغا نالایەقەکانی کورد دەداتەوە کە بەردەوام خەریکی خۆش ڕابواردنی خۆیان بوون و ستەمیان لە خەڵکی ڕەنجدەر دەکرد.

لە لایەکی دیکەوە ئەم ڕۆمانە ژیانی شاعێرێکی ڕەنجەڕۆ دەگێڕێتەوە کە بیر لە ئازادی نەتەوەکەی دەکاتەوە و ئەو کە هەستی بە دەرد و مەینەتی گەلەکەی کردووە ، بە دڵسۆزیەوە بە دوای چارەسەریدا دەگەڕێت.

ئەم ڕۆمانە سەرەنجڕاکێشە لە لایەن دوکتۆر جەماڵ ئەحمەدی، مامۆستای زانکۆی و نووسەر و وەرگێڕی ناسراوی کورد، کراوە بە فارسی و لە لایەن بڵاڤگەی ئاراس لە سنە چاپ و بڵاو کراوەتەوە.

News Code 34766

نیشانەکان

بۆچوونی ئێوە

You are replying to: .
  • 8 + 9 =