٢٣ چالاکوانی کوردی تورکیا ڕەوانەی زیندان کران

پاش دەرکرانی حوکمی زیندانی بۆ ١٥ چالاکوانی سیاسی – مەدەنی کوردی تورکیا لە پەیوەندی لەگەڵ دۆسیەی کۆما جڤاکین دیموکرات (DTK)، ژمارەی زیندانییەکانی ئەو دۆسیە گەیشتە ٢٣ کەس.

بە راپۆرتی ئاژانسی هەواڵی مێهر بە گێرانەوە لە هەواڵدەریی مێزۆپۆتامیا، دانیشتنی پێداچوونەوە بە دۆسیەی کۆما جڤاکین دیموکرات (DTK)، کە لە حەوتەی پێشووەوە بە دەستگیریی ٤٥ کەس و داخستنی نووسینگەی ناوەندیی ئەو جڤاکە لە ئامەد دەستی پێکرد، ئەوڕۆ (سێ شەممە) بەردەوام بوو و سەرجەم ٢٣ چالاکوانی سیاسی – مەدەنی کوردی تورکیا و لەوان مەقبوولە ئۆزیک ئەندامی گردبوونەوەی ناڕەزایەتی دایکانی شەممە، ڕەوانەی زیندان کران.

ئەو کەسانە کە بە فەرمانی دادستێنی کۆماری تورکیا لە ئامەد لە لایەن هێزەکانی پۆلیسی دژە تیرۆری تورکیا قۆڵبەست کران و لە ئەنجامی دادگەیی ئەوڕۆ ١٥ کەسیان بە تۆمەتی "ئەندامێتی لە گرووپی تیرۆریستی" ڕەوانەی زیندان کران تا لەگەڵ ٨ چاکوانی دیکەی سەر بەو جڤاکە کە رۆژی ڕابردوو حوکم درابوون، ڕێژەی زیندانیانی ئەو دۆسیە بگاتە ٢٣ کەس و ٢٢ کەسی دیکەشیان بە شێوەی مەرجدار ئازاد کران.

News Code 33048

نیشانەکان

بۆچوونی ئێوە

You are replying to: .
  • 8 + 10 =