بە ڕاپۆرتی ئاژانسی هەواڵی مێهر، عەبدولڕەزا ڕەحمانی‌فەزلی وەزیری ناوخۆ ئەوڕۆ (سێ شەممە) لە مەجلیسی شۆڕای ئیسلامی بە ئاماژە بەوەی وەزارەتی ناوخۆ پێگەیەکی بەڕێوەبەری لە وڵاتدا هەیە، وتی: لە ئێستادا پرسی گرینگ یەکگرتوویی لە ئاستی نیشتمانییە و وەزارەتی ناوخۆ وەک دەزگایەکی بەرپرس، بەڕێوەبەری و رێنوێنی و چاوەدێری بە سەر چالاکییە سیاسییەکانی نە تەنیا لە چوارچێوەی ڕێکخراوە، حزب و رۆژنامەکان لە ئەستۆیە، بەڵکوو چاوەدێریی ڕەوتە سیاسییەکان پشت‌ئەستوور بە ئیرادەی جەماوەری، فەرهەنگ و هەلومەرجی کۆمەڵایەتی سیاسیشی لە ئەستۆیە.
جەختیشی کرد: بەڵام لە هەلومەرجی ئێستادا کە دوژمن بە دوای ئاژاوەنانەوە لە ناوخۆیە و بە هەڵمەت و هەنگاوەکانی دژی ئێمە، بەستێنەکانی یەکگرتوویی لە ناو دەبات، دەبێ ئاگادار بین کە ئێمە یەکگرتوویی ڕۆڵێکی زۆر گرینگ دەگێڕێت.
وتیشی: لە ٤٠ ساڵی ڕابردوو دوژمن بۆ دەرکەوتووە کە بە هیچ کەرەسەیەک ناتوانێ زیان بە یەکگرتوویی ئێمە بگەیێنێت، بەڵکوو بە پێچەوانەی هەلێکی ڕەخساندووە بۆ تۆکمەتربوونی یەکگرتوویی و ئیمکاناتەکانمان.
بۆچوونی ئێوە