بە ڕاپۆرتی ئاژانسی هەواڵی مێهر، هاوپەیمانی نێودەوڵەتی دژە داعش لە بەیاننامەیەکدا بە ئاماژە بە ئۆپراسیۆنەکانی دەیرەزوور دژی داعش، وتی: لە ئۆپراسیۆنی هاوبەشێک کە لەگەڵ هێزەکانی سوپای دیمۆکراتیکی سووریا دژی داعش لە سنووری عێراق-سووریا، لە پارێزگای دەیرەزوور ئەنجام درا دوو ڕێبەری داعشی کوژراون.
هاوپەیمانی نێودەوڵەتی دژی داعش لە بەیاننامەیەکدا وتی: لە ئەو ئۆپراسیۆنگەلە ئەحمەد عیسا ئیسماعیل زاوی، ناسراو بە ئەبوو عەلی بەغدادی و ئەحمەد عەبد موحەمەد حەسەن جەغایفی دوو ڕێبەری گرینگی داعش کوژراون.
زاوی وەکوو ڕێبەری داعش لە باکووری بەغدا دەهاتە ئەژمار. جەغایفیش یەکێک لە بەرپرسە لۆجستیکی و ئامادەکارییەکانی داعش لە سووریا و عێراق بوو. کوژرانی ئەو دوو ڕێبەرە داعشییە هێرشەکانی ئەو گرووپە تیرۆریستییە دژی هاووڵاتییە بێ تاوانەکان و هەروەها هاوپەیمانەکانی ئێمە کەم دەکاتەوە.
Your Comment