هۆشداریی هێزە چەکدارەکانی ئێران بە تێکدەرانی ئاسایشی ناوچەکە

ئەرکانی گشتی هێزە چەکدارەکان لە بەیاننامەیەکدا هەبوونی سوپای ئەمریکا لە کەنداوی فارس، تەنگەڵانی هورموز و دەریای عومانی هۆی تێکدانی ناوچەکە وەسف کرد .

بە پێی ڕاپۆرتی ئاژانسی هەواڵی مێهر لە ناوەندی پێوەندییەکان و بانگەشەی بەرگری ، لە ئەو بەیاننامە هاتووە: کەنداوی فارس، گەرووی هورموز و دەریای عومان وەکوو رێگا ئاوییە گرینگەکانی جیهان و شاڕێیانی ئابووری جیهان بەردەوام ناوچەیەکی ئەمن بۆ هاتوچۆی پاپۆڕە نەوتی و بازرگانییەکان بووە و لە ساڵانی ڕابردوو ئاسایشیان بووە و لە ئەم بوارەدا کۆماری ئیسلامی ئێران بە هاوکاری وڵاتانی ناوچەکە هەوڵی داوە ئاسایشی ئەو ڕێگایە بە شێوەیەکی باش بپارێزێت.

هەڵسوکەوتی مەترسیدار و تێکدەرانەی ئاسایشی پاپۆڕەکانی کاتێک دەستی پێکرد کە پێی وڵاتی سەربزێو و تیرۆریستی ئەمریکا و هەندێک لە هاوپەیمانەکانی لە ناوچەکە کرایەوە. ئەمریکا بە هاتوچۆی مەترسیدار و جێگیر کردنی بنکە سەربازییەکانی لە ناوچەکە لە کردەوەدا سەرچاوەی بێ یاسایی، ئاژاوەکان و نائەمنی بووە و ئێران چەندین جار هەڵسوکەوتە تێکدەرانەکان و پێچەوانەی یاسا و ڕێسا نێودەوڵەتییەکانی ئەمریکای بە جیهان ڕاگەیاندووە.

هەر بەم بۆنەوە ئەرکانی گشتی هێزە چەکدارەکانی ئێران هەبوونی ئەمریکا و هاوپەیمانەکانی نایاسایی و سەرچاوەی ئاژاوە لە ناوچەکە دەزانێت و چەندین جاریش ڕایگەیاندووە ئێران دەسپێکەری هیچ جۆرە شەڕ و پێکدادانێک لە ناوچەکە نەبووە و نییە بەڵام بەردەوام بە هێزەوە لە یەکپارچەیی خاکی خۆی بەرگری کردووە و ڕوونە کە هەر جۆرە سەربزێویەک، کاردانەوەی پتەوی ئێمەی بەدواوە دەبێت.

News Code 32171

نیشانەکان

بۆچوونی ئێوە

You are replying to: .
  • 5 + 12 =