بۆمبێکی هێشوویی لە شاری سەردەشت پووچەڵ کرایەوە

بۆمبایەکی هێشوویی نەتەقیوە لە مەودای ٥٠ مەتریی خانووبەرەکانی شاری سەردەشت لە لایەن هێزەکانی سوپا دۆزرایەوە و پووچەڵ کرایەوە.

بە ڕاپۆرتی ئاژانسی هەواڵی مێهر، فەرماندەی سوپای سەردەشت لەوبارەیەوە وتی: بۆمبێکی هێشوویی بە جێ ماوەی شەڕی داسەپاوە لە شاری سەردەشت دۆزرایەوە و لە لایەن هێزەکانی پووچەڵ‌کردنەوەی سوپای ئەو شارە پووچەڵ کرایەوە.

سەرهەنگ غوڵامحسێن محەمەدی ئەسڵ، وتیشی: دوای ڕاگەیاندنی هاووڵاتیان سەبارەت بە دۆزینەوەی بۆمبایەکی نەتەقاوە لە گەڕەکی ستادیۆمی وەرزشی و لە نزیکی پاڵاوگەی ناو شاری سەردەشت، هێزەکانی لێکدانەوە و تاوتوێ‌کاری خێرا بۆ هەڵسەنگاندنی دۆخەکە ڕەوانەی ئەو شوێنە کرا.

ناوبراو بە ئاماژە بەوەی کە ئەو بۆمبایە لە مەودای ٥٠ مەتریی شوێنی نیشتەجێی خەڵکی بە نەتەقاوەیی مابۆوە، جەختی کرد: پاش دانانی ڕێوشوێنی ئەمنی بە هەوڵی ٢ کاتژمێرەیی ڕەزمەندەکان ئەو بۆمبایە پووچەڵ کرایەوە.

News Code 32036

نیشانەکان

بۆچوونی ئێوە

You are replying to: .
  • 1 + 1 =