سوپا ئامێرێکی نوێی بۆ دۆزینەوەی کۆرۆنا بەرهەم هێنا

بە ڕاپۆرتی ئاژانسی هەواڵی مێهر، سەردار حسێن سەلامی لە پەراوێزی ڕوونوێنی لە دەزگای نوێی پێزانینی کۆرۆنا کە لە لایەن بەسیجەوە بەرهەم هاتووە، وتی: ئەم دەسکەوتە دیاردەیەکی زانستی و تەکنۆلۆژیی و تایبەتییە کە بە کەڵک وەرگرتن لە سازدانی مەیدانی مەگناتیسی واتە لە ڤایرۆسێکی دوو جەمسەری کە لەو دەزگایەدا دانراوە، دەتوانێ لە ٥ چرکەدا شوێنی تێوەگلاوە بە ڤایرۆسی کۆرۆنا تا مەودای ١٠٠ مەتری بدۆزێتەوە.

سەردار سەلامی وتیشی: ئەو دەزگایە پێویستی بە نمونەی خوێن نییە و لە رێگەی دوور و بە شێوەی زیرەک کار دەکا، واتە بۆ لە هێلەکدانی زۆرینەیی کەڵکی دەبێ و ئاستی تێوەگلان و کەسە تێوەگلاوەکان خێرا دەدۆزێتەوە. هەروەها بۆ پاکژی و خاوێن‌کاریی زیرەکیش کەڵکی دەبێ، هەتا شوێنە خاوێنەکان لە خۆڕا خاوێن نەکرێنەوە.

فەرماندەی گشتیی سوپای پاسداران ئاماژەی بەوەش دا: ئەو دیاردەیە لە نەخۆشخانە جۆراوجۆرەکان تاقی کراوەتەوە و زیاتر لە سەدا ٨٠ وردبینی و وەڵامی دروستی بووە و دەتوانێ سەرچاوەیەکی بڕواپێکراو بێت بۆ پێزانینی هەر جۆرە ڤایرۆسێک.