کتێبی محەمەد ئەمین (د‌خ) ڕوونوێنی کرا

کتێبی محەمەد ئەمین (د‌خ) لە نووسینی میرزای هەورامی لە دوایین رۆژی مانگی ڕەبیعولئەوەڵ لە هۆڵی ئیدارەی فەرهەنگ و ئیرشادی سەوڵئاوا ڕوونوێنی کرا.

بە ڕاپۆرتی ئاژانسی هەواڵی مێهر، محەمەد ئەمین میرزایی ناسراو بە میرزای هەورامی نووسەری کتێبی "محەمەد ئەمین (دخ)؛ ئینە گوزەرێن جە گوزەرانو دەورانو پێغەمبەری" کە بە شێوەزاری هەورامی و گۆران دەڕوانێتە ژیان، کردار و بەسەرهاتی پێغەمبەری گەورەی ئیسلام، لە سەرەتای ئەو ڕێوڕەسمە ڕایگەیاند: ئەم کتێبە شی کردنەوە و دەلاقەیەکی تەواوە لە ژیاننامە و سیرەتی پیغەمبەری گەورەی ئیسلام (دخ) لە دووتۆی ٨١٠ لاپەڕە.

میرزای هەورامی وێرای دەستخۆشی لە مامۆستایان رەئووف ئاشنا و ئەحسەن میرزایی بۆ پێداچوونەوە و ئامادەکاریی کتێبی "محەمەد ئەمین (دخ)"، ڕاشیگەیاند: تا ئێستا هەزار بەرگ لەو کتێبە لە لایەن بڵاوکەرەوەی کوردستان لە شاری سنە چاپ و ئاراستە کراوە و لە پارێزگای کوردستان و کرماشاندا بڵاوبۆتەوە.

ناوبراو بیری هێنایەوە: نووسینی کتێبی "محەمەد ئەمین (دخ)؛ ئینە گوزەرێن جە گوزەرانو دەورانو پێغەمبەری" ٥ ساڵی خایاندووە و بۆ موسڵمانان و کەسانێک کە دەیانەوێ ئاگاداری ژیان و سیرەتی پێغەمبەری ئیسلام (دخ) بن، دەتوانێ سەرچاوەیەکی چڕوپڕ و کامڵ بێت.

لە درێژەدا بەڕێوەبەری ناوەندی گەورەی ئیسلامی رۆژئاوای ئێران و بەڕێوەبەری گشتیی ئیدارەی فەرهەنگ و ئیرشادی ئیسلامی کوردستان هەر کام وتاری خۆیان لەبارەی ئەو کتێبە و هەوڵەکانی مامۆستا میرزای هەورامی بۆ بەرزڕاگرتنی هزر و بیری ئیسلامی و فەرهەنگ و زمانی کوردی، ئاراستە کرد و دواتر ٥٠ بەرگی کتێبی "محەمەد ئەمین (دخ)" لە لایەن جەلال قەڵعەشاخانی بەڕێوەبەری گشتیی ئیدارەی فەرهەنگ و ئیرشادی کوردستان و بە مەبەستی پاڵپشتی و دەستگیریی نووسەرانی ناوچە بە نرخی ٣٠ ملیۆن ڕیاڵ کردرا و پێشکەشی مامۆستایانی ئامادەبووی ئەو ڕێوڕەسمە کرا.

News Code 29572

نیشانەکان

بۆچوونی ئێوە

You are replying to: .
  • 4 + 8 =