بە ڕاپۆرتی ئاژانسی هەواڵی مێهر، ڕوحوڵڵا زەم کە چەند ساڵێکە بە کردنەوەی کەناڵی تێلگرامی ناسراو بە "ئامەد نیووز" لە دەرەوەی سنوورەکان ببووە داردەستی سیستەمگەلی سیخۆری و دژە شۆڕشی و خەریکی بڵاوکردنەوەی هەواڵی درۆیین لە دژی وڵات بوو، لە لایەن ڕێکخراوی ئیتلاعاتی سوپای پاسدارانی شۆڕشی ئیسلامی لە دەرەوەی ئێران دەستگیر کرا و گەڕێندرایەوە بۆ وڵات.
کەناڵی تێلگرامی "ئامەد نیووز" بە هۆی پەرەدان بە ناهومێدی و بڵاوکردنەوەی هەواڵی درۆیین لە دژی بەرپرسانی نیزام، خەریکی ڕەش‌نواندن و هەڵفریواندنی ڕای گشتی بە مەبەستی تۆکمە کردنی ویستی دوژمنان و سیستەمگەلی سیخۆری بە ئامانجی ڕووخاندنی نیزام بوو.
سوپای پاسدارانی شۆڕشی ئیسلامی بە دەرکردنی بەیاننامەیەک، وێرای ڕاگەیاندنی ئەو هەواڵە، نووسی: ڕێکخراوی ئیتلاعاتی سوپا لە ئۆپەراسیۆنێکی ئاڵۆز و پڕۆفێشناڵدا توانی ڕۆحوڵڵا زەم سەرلقی ماڵپەڕی دژە شۆڕشیی "ئامەد نیووز" وەک یەکێک لە کانگا تەوەرییەکانی دوژمن بۆ ئۆپەراسیۆنی بەربڵاوی ئاژاوەنەرانە، ئێران تۆقێنەری، درۆ و بە لارێدابردنی گەنجان لە باری بیر و باوەڕ و هاندان بۆ هەڵمەتی توندئاژۆیانە و تیرۆریستانە بکێشێتە ناو وڵات و دەستگیر بکات.
لەو بەیاننامەیەدا هاتووە: ناوبراو ئەگەرچی لە لایەن سیستەمگەلی هەواڵگریی فەڕەنسا رێنوێنی دەکرا و لە لایەن سیستەمە هەڵگراییەکانی ئەمریکا و ڕژیمی زایۆنییەوە پاڵپشتی دەکرا، شەورۆژی بە شێوەی ئاشکرا و شاراوە و لە قەوارەی جۆراوجۆردا دەپارێزرا، بەڵام بەوەشەوە کەوتە داوی ڕۆڵەکانی گەلی ئێران لە ڕێکخراوی هەواڵگریی سوپا.
Your Comment