رۆژهەڵاتی ناڤین بە بێ ئەمریکا هێمن‌ترە/ هاوکێشەی دەسەڵاتی جیهان گۆڕاوە

سکرتێری ئەنجومەنی باڵای ئاسایش وتی: کۆمەڵە هەنگاوەکانی واشنتۆن لە ناوچە گەیشتۆتە ئاستێک کە تەنانەت هاوپەیمانانی لە رۆژئاوای ئاسیا دانایان بەوەدا ناوە کە رۆژهەڵاتی ناڤین بە بێ ئەمریکا شوێنێکی هێمن‌ترە.

بە ڕاپۆرتی ئاژانسی هەواڵی مێهر، عەلی شەمخانی سکرتێری ئەنجومەنی باڵای ئاسایشی نیشتمانی لە یادداشتێکدا نووسی: پێدەچی بەرپرسانی ئەمریکی بە پێی ئەزموونی بەرهەست بەو ئاکامە گەیشتبن کە هاوكێشەی دەسەڵات و ئەندازیاری سیاسی جیهان، بە تایبەت رۆژهەڵاتی ناڤین گۆڕاوە و ویلایەتە یەکگرتووەکان بە پێچەوانەی تەواو بانگەشە بەربڵاوەکانیان، چیتر ناتوانن پاگەندەی سەروەریی هەمەگر بە سەر کاروباری سیستەمی نێودەوڵەتی بکەن.

دەقی نووسراوەکەی شەمخانی بەم شێوە بڵاو بووەتەوە:

١- سێ لێدوانی ڕاشکاوانە لە لایەن بەرپرسانی باڵای ئەمریکا لە ماوەی دوو مانگی ڕابردوودا نیشاندەری ئاشکرا بوونی ڕاستییەکان بە جۆرێکە کە پێشتر دەسەڵاتی ئەو وڵاتە جەربەزەی دانپێدانان و وتنی ئەو ڕاستیانەی نەبووە.

٢- بەرپرسانی ئەمریکی لە پاش هێرشی فرۆکەی بێ فرۆکەوانی ئەنساروڵڵای یەمەن بۆ سەر دامەزراوە نەوتییەکانی ئارامکۆی عەرەبستان و لە کاردانەوە بە گوشارەکانی بارەگای سعوودی بۆ بەرەنگاربوونەوەی ئەنجامدەرانی ئەو هێرشە، ڕاشکاوانە جەختیان لە وەدی نەهاتنی ئەو داوایەی ڕیاز کرد و ڕایانگەیاند کە هێرش کراوەتە سەر عەرەبستان نەک ئەمریکا.

٣- ئەمریکا لە پاش شکستی بەردەوامی سیاسی و سەربازیی لە ناوچە، دانی بە خەرج کردنی ٨ تریلیۆن دۆلار لە ناوچەدا کرد و ڕایگەیاند کە ئامادەبوونی سەربازیی ئەمریکا هیچ دەسکەوتێکی بۆی نەبووە و لە خۆیدا هەنگاوێکی گەمژانە بووە.

٤- لەم دواییە و پاش دەستدرێژیی تورکیا بۆ سەر باکووری سووریا و پشت کردنی واشنتۆن لە هاوپەیمانی کوردی خۆی، بەرپرسانی کۆشکی سپی وێرای دانپێدانان بە ورووژاندنی شەڕێکی خوێنین لە عێراق بە پێی پاگەندە و دەنگۆی بوونی چەکی کۆمەڵکوژ لەو وڵاتە، ڕایانگەیاند کە چوونە ناو داوی رۆژهەڵاتی ناڤین  خراپترین بڕیارێک بوو کە تا ئێستا لە مێژووی ئەمریکادا گیراوە.

٥- پێدەچی بەرپرسانی ئەمریکی بە پێی ئەزموونی بەرهەست بەو ئاکامە گەیشتبن کە هاوكێشەی دەسەڵات و ئەندازیاری سیاسی جیهان، بە تایبەت رۆژهەلاتی ناڤین گۆڕاوە و ویلایەتە یەکگرتووەکان بە پێچەوانەی تەواو بانگەشە بەربڵاوەکانیان، چیتر ناتوانن پاگەندەی سەروەریی هەمەگر بە سەر کاروباری سیستەمی نێودەوڵەتی بکەن.

٦- ئەمریکا تەواو تێگەیشتووە کە تاقە دوو رێگەی لە بەردەمە؛ یان دەبێ لە پێناو ڕاگرتنی ڕواڵەتێکی پووج و هەڵفریوێنەری زلهێزی جیهان تێچووی زیاتر خەرج بکات و یان دەبێ گرتنەبەری هەڵوێستێکی واقیع‌گەرانە، حەقیقەتی ئیستای جیهان قبووڵ بکات و خۆی لە ژێر باری تێچوی زیاتری ئەو نمایشە رزگار بکات.

٨- بە واتایەکی دیکە؛ بەرپرسان و حاکمانی ئەمریکا تێگەیشتوون کە ئەو وڵاتە لەوڕۆدا بە هەر بیانوویەک، چیتر پێگەی زلهێزی بە دەستەوە نییە و گەڕانەوە بۆ سەردەمی باڵادەستی، نامومکین و چەوتوونە. چونکە دەستەوەستانی و نەتوانینی لە ڕاپەڕاندنی پرسەکانی "دابەش کردنی رۆژهەڵاتی ناڤین"، "مامەڵەی سەدە"، "گۆڕینی ڕژیمی ئێران"، "بە ژاندارم کردنی عەرەبستان لە ناوچە"، "شەڕی یەمەن"، "ئاشتی ئەفغانستان"، "قەیرانی سووریا" و ...ی بۆ هەمووان سەلمێندراوە.

٨- دانپێدانانی تاڵ و وانەدەری حاکمانی ئەمریکا بۆتە هۆی ئەوەی کە زۆربەی وڵاتانی دەڤەری رۆژئاوای ئاسیا، تەنانەت ئەو گرووپەی کە رێخۆشکەر و میوانداری ئامادەبوونی ئەمریکا لە ناوچە بوونە، دان بەوەدا بنێن کە "رۆژهەڵاتی ناڤین بە بێ ئەمریکا شوێنێکی هێمن‌ترە".

News Code 28893

نیشانەکان

بۆچوونی ئێوە

You are replying to: .
  • 4 + 11 =