هەڵسەکەوتی زێدەخوازانەی تورکیا قبووڵ ناکەین

وەزارەتی دەرەوەی سووریا ئەوڕۆ لە کاردانەوە بە بڕیاری ئەنقەرە بۆ هێرش کردنە سەر باکوور و رۆژهەڵاتی سووریا ڕایگەیاند کە هەڵسەکەوتی زێدەخوازانەی تورکیا قبووڵ ناکرێت.

بە ڕاپۆرتی ئاژانسی هەواڵی مێهر بە گێڕانەوە لە "المنار"، سەرچاوەیەکی فەرمی لە وەزارەتی دەرەوەی سووریا ئەوڕۆ (چوارشەممە) ڕایگەیاند کە سووریا بو تەنی لێدوان و ئەنگێزەگەلی دەستدرێژکارانەی تورکیا لە دژی سووریا و گواستنەوەی چەک و چۆڵی سەربازیی بۆ خاکی سووریا ئیدانە دەکات.

ئەو سەرچاوەیە وتیشی: هەڵمەتی تورکیا پێشێل کردنی ئاشکرای یاسا و بڕیارنامەکانی ئەنجومەنی ئاسایشە کە تێیاندا جەخت لە ڕێزنان لە سەروەری و تەواوەتی سەرزەوینیی سووریا کراوە.

بە گوێرەی ئەو سەرچاوەیە، وەزارەتی دەرەوەی سووریا کرداری دەستدرێژکارانەی ئەردۆغان لە خاکی سووریا وەک ویستێکی زێدەخوازانە لە لایەن ئەنقەرە لێک دەداتەوە کە بە هیچ ئەنگێزە و بیانوویەک پاساو نادرێت.

دیمەشق هەروەها هوشداری داوە کە مەبەستی ئەمنیی تورکیا لە جموجۆڵی لە سنوورەکانی سووریا درۆیە و سووریا لە گەڵ دەسپێکی دەستدرێژکاری بۆ سەر خاکەکەی، تورکیا لە ڕیزی گرووپگەلی تیرۆریستی دادەنێ و ئەو کارە وەک گورزێکی کوشەندە لە ڕەوتی دانوستانەکانی ئاستانە وێنا دەکات.

News Code 28793

نیشانەکان

بۆچوونی ئێوە

You are replying to: .
  • 2 + 1 =