عەبدولمەهدی بۆ نێوبژیڤانیی ئێران و عەرەبستان چووەتە ڕیاز

کەناڵی "المیادین" لە شرۆڤەیەکدا ڕوانییە سەفەری بەمزووانەی عادڵ عەبدولمەهدی سەرۆک وەزیرانی عێراق بۆ عەرەبستانی سعوودی و ئامانجەکانی لەو سەفەرە.

بە ڕاپۆرتی ئاژانسی هەواڵی مێهر، کەناڵی لوبنانی "المیادین" لە شرۆڤەیەکدا ڕوانییە سەفەری بەمزووانەی عادڵ عەبدولمەهدی سەرۆک وەزیرانی عێراق بۆ عەرەبستان و دیدار لە گەڵ بەرپرسانی باڵای ئەو وڵاتە، ڕایگەیاند: ئەو سەفەرە لە چوارچێوەی زنجیرە جموجۆڵەکانی عێراق بۆ ناوبژیگەریی ئێران و عەرەبستان دەبێت.

"المیادین" هەروەها لە زمانی سەرچاوەیەکی ئاگادارەوە کە نەیویست ناوی بدرکێنێت، ڕاشیگەیاند: عەبدولمەهدی هەوڵ دەدات رێخۆش بکات بۆ دیداری سەرکردەکانی ئێران و عەرەبستان لە بەغدای پایتەختی عێراق.

ئەوە لە کاتێکدایە کە رۆژنامەی لوبنانی "الأخبار"یش لە کاردانەوە بە سەفەری بەزمووانەی سەرۆک وەزیرانی عێراق و زەمانی سەفەرەکەی کە بە وتەی ئەو رۆژنامەیە هاوکاتە لە گەڵ پەیوەندییە ناوچەیی و نێودەوڵەتییەکان بع کەم کردنەوەی ئاستی ناکۆکییەکان بە تایبەت لە کەنداوی فارسدا، نووسی: ئەو سەفەرە دەرەوەستی بە گۆڕانکارییەکانی یەمەن و شەڕ لەو وڵاتەیە و دەتوانێ جۆرێک هەنگاونان بەرەو ئاگربڕی نێوان یەمەن و عەرەبستان لە لایەک و عەرەبستان و ئیمارات لە لایەکی دیکە بێت.

News Code 28510

نیشانەکان

بۆچوونی ئێوە

You are replying to: .
  • 4 + 0 =