بە دڵنیاییەوە ئیسرائیل دەڕووخێت / پێشبینی رێبەری باڵای ئێران وەدی دێت

ئەمینداری گشتیی حزبوڵڵای لوبنان وێرای ئاماژە بە خووخدەی دەستدرێژکاری و شەڕخوازیی ڕژیمی زایۆنی وتی: بە دڵنیاییەوە پێشبینی رێبەری باڵای ئێران وەدی دێت و ئیسرائیل دەڕووخێت.

بە ڕاپۆرتی ئاژانسی هەواڵی مێهر، سەید حەسەن نەسروڵڵا ئەمینداری گشتیی حزبوڵڵا لە وتووێژ لە گەڵ نووسینگەی پاراستن و بڵاوکردنەوەی ئاسەواری رێبەری باڵای شۆڕشی ئیسلامی، بە ئاماژە بە وتەکانی رێبەری باڵا سەبارەت بە نەمانی ئیسرائیل لە ٢٥ ساڵی داهاتوو، ڕایگەیاند: تەواو داتا، لێکدانەوە و زانیارییەکان نیشان دەدەن کە ئەو ڕووداوە وەدی دێت؛ بەڵام وەدی هاتنی مەرجدارە و مەرجی وەدی هاتنیشی بەردەوامیی بەرخۆدان بە کاری خۆی لە ناوچەدا و سەردانەنواندنی بۆ ئیسرائیل و بەردەوامی پاڵپشتیی کۆماری ئیسلامی لە بەرخۆدان لە ناوچەیە.

ئەمینداری گشتیی حزبوڵڵای لوبنان دەسەڵاتی زایۆنیی بە هۆی خووخەدەی دەستدرێژکارانە و شەڕخوازانەی بە مەترسییەکی گەورە بۆ سووریا، لوبنان، عێراق و تەنانەت کۆماری ئیسلامی ئێران زانی و ڕاشیگەیاند: ئیسرائیل لە ئێستادا خاوەن چەکی ناڤۆکی و زیاتر لە ٢٠٠ کڵاوەی ناڤۆکییە و ئەو ڕژیمە بەردەوام بە دوای پەرەدان بە هەیمەنەی خۆی بە سەر ناوچەکەیە.

سەید حەسەن نەسروڵڵا هەروەها ئیسرائیل بە باڵی ئەمریکا لە ناوچەکە زانی و وتی: ئیسرائیل بنکەیەکی سەربازی لە ناوچەیە کە بۆ وەدی هێنانی بەرژەوەندیی ئەمریکا هەوڵ دەدا و بوونی ئیسرائیل و مانەوەی لە رێگەی ئاشتی و نائاشتی‌خوازانەوە هەڕەشەیەکی ئەمنیی گەورە بۆ هەموو وڵاتانی ناوچەیە.

ناوبراو پێشبینی رێبەری باڵای سەبارەت بە تەمەنی ڕژیمی زایۆنی بە ڕوانگەیەکی تەواو جیدی زانی و وتیشی: ئیسرائیل خاڵی لاوازی زۆر و بەرچاو و کوشەندەی هەیە و هەر بۆیە ئێمە لام وایە لە سای ئیرادەیەکی نەتەوەیی و بە کۆمەڵ شایەدی گۆرانکاریگەلێکی ناوچەیی و نێودەوڵەتی لەو بوارەدا دەبین. من لەوانەم کە بڕوایەکی زۆرم بە هێزی جیلی ئێستا هەیە و بە ئیزنی خودا ئەم جیلە هەنگاو دەنێنە فەلەستین و لە قودسدا نوێژ دەخوێنن و چیتر ئیسرائیلێک نابێت.

News Code 28494

نیشانەکان

بۆچوونی ئێوە

You are replying to: .
  • 8 + 6 =