کاردانەوەی ڕێبەرانی عێراقی بە هێرشی ئیسرائیل بۆ سەر حەشدی شەعبی

لە کۆبوونەوەی هەر سێ سەرۆکایەتییەکە و حەشدی شەعبی جەختکرایەوە "ئەو دەستدرێژیانەی کراوەتە سەر حەشدی شەعبی دوژمنکارانەیە و حکومەتی عێراقیش وەڵامی ئەو دەستدرێژیانە دەداتەوە".

بە ڕاپۆرتی ئاژانسی هەواڵی مێهر، بەپێی راگەیێندراوێکی سەرۆکایەتیی کۆماری عێراق، رۆژی ڕابردوو بەرھەم ساڵح سەرۆک کۆمار، عادل عەبدولمەھدی، سەرۆک وەزیران، محەممەد حەلبووسی، سەرۆکی پەرلەمان و فالح فەیاز، سەرۆکی دەستەی حەشدی شەعبی و ژمارەیەک لە فەرماندەکانی حەشدی شەعبی کۆبوونەوە.

لە راگەیێندراوی کۆبوونەوەکەدا هاتووە:  "مەبەست لە دەستدرێژی کردنە سەر حەشدی شەعبی تێوەگلاندنی حەشد و سیستەمی بەرگری نیشتمانییە بۆ سەرقاڵ کردنیان لەو رۆڵەی کە گێڕاویانە لە جەنگی دژ بە گرووپی داعش و کۆتاییھێنان بە مەترسییەکانی داعش لە سەر عێراق و ناوچەکە و جیھان بەیەکجاری. "

جەختیش کراوە " ئەو دەستدرێژیانە کارێکی دوژمنکارانەیە کە دەکرێتە سەر عێراق، حکومەتی عێراقیش وەڵامی ئەو دەستدرێژیانە دەداتەوە بۆ بەرگریکردن لە عێراق و ئاسایش و سەروەری خاکەکەی لەڕێگەی کەناڵە کاریگەرەکان و رێکخراوە جیھانی و ناوچەییەکانەوە".

ئەوەش وتراوە کە "سەروەری عێراق و سەلامەتی گیانی رۆڵەکانی ھێڵی سوورن، دەوڵەتیش پاپەندە بە پاراستنی سەروەری و گیانی ھاووڵاتیانی عێراقەوە، ھەر لایەنێک دەستدرێژی بکاتە سەر عێراق.

News Code 28053

نیشانەکان

بۆچوونی ئێوە

You are replying to: .
  • 1 + 13 =