ئامادەییمان هەیە بۆ  دۆزینەوەی مادەی کانگایی‌ لە سلێمانی

جێگری هاوئاهەنگی کاروباری ئابووری پارێزگاری کوردستان وتی: ئامادەیی ناسین و دۆزینەوەی مادەی کانگایی لە پارێزگای سلێمانی لە هەرێمی کوردستانمان بە ناردنی هێزی لێهاتوو و تەکنیکی هەیە.

بە ڕاپۆرتی ئاژانسی هەواڵی مێهر، حسێن فیرووزی لە دانیشتنی لێکدانەوەی توانستەکانی پارێزگا لە بواری هەناردەی خزمەتی تەکنیکی ئەندازیاری بۆ هەرێمی کوردستان بە ئامادەبوونی تاقمێک لە بەرپرسانی پارێزگای سلێمانی، ڕایگەیاند: هەر کۆمپانیا یان کەسێکی ئەندازیار کە لە خوازیاری ئەنجام دانی پڕۆژەیەک لە سلێمانییەیە، دەتوانێ بۆ پشت‌‌ڕاست کردنەوە لە ئۆرگانە هاوپەیوەندەکان بە کوردستان ئێران شێاوی و سەلاحییەتی کاری داوا بکات.

ناوبراو بە ئاماژە بەوەی کە ئەندامانی ژووری بازرگانی سنە خوازیاری کردنەوەی ناوەندی داوەری لە گەڵ ژووری بازرگانی سلێمانین ڕاشیگەیاند: بە کردنەوەی ئەو ناوەندە دەکرێ کێشە و ئاستەنگەکان لە رێگەی بەرپرسانی دوو وڵات چارەسەر بکەین.

فیرۆزی بیری هێنایەوە: ئامادەیی پێویست بۆ ناسین و دۆزینەوەی مادەی کانگایی لە پارێزگای سلێمانی لە هەرێمی کوردستانمان بە ناردنی هێزی لێهاتوو و تەکنیکی هەیە.

شایانی باسە لە درێژەی ئەو دانیشتنە بەڕێوەبەری رێگە و شارسازیی کوردستان، بەڕێوەبەری گشتیی دامەزراوەی خانووبەرەی  کوردستان و نوێنەری ڕێکخراوی ئەندازیاری پارێزگا لە لای خۆیانەوە ئامادەییان بۆ ئاراستە کردنی خزمەتەکانی ماڵکردنەوە و ئاوەدان کردنەوە و پەرەدان بە گەشتیاری لە هەرێمی کوردستان ڕاگەیاند.

News Code 27271

نیشانەکان

بۆچوونی ئێوە

You are replying to: .
  • 1 + 11 =