فیلمی "زەڕ"بەرهەمی فیلمسازی کوردی تورکیا لە سنە و مەریوان نمایش کرا

فیلمی زەڕ لە دەرهێنانی کازم ئۆز فیلمسازی کوردی تورکیا لە درێژەی پرۆگرامەکانی کۆنگرەی ناودارانی کورد لە سنە و مەریوان نمایش کرا.

بە ڕاپۆرتی ئاژانسی هەواڵی مێهر، لە درێژەی پرۆگرامەکانی کۆنگرەی ناودارانی کورد فیلمی زەڕ لە دەرهێنانی کازم ئۆز فیلمسازی کوردی تورکیا و بە ئامادەبوونی دەرهێنەرەکەی لە سینەماکانی بەهمەنی سنە و کوردستانی مەریوان بە شێوەی تایبەتی و بە ژێرنووسی فارسی نمایش کرا.

سالم سەلەواتی بەڕێوەبەری نووسینگەی شاری سنەی ئەنجومەنی سینەمای گەنجانی ئێران بەر لە نمایشی ئەو فیلمە لە سینەما بەهمەنی شاری سنە، وتی: زەڕ دووهەمین فیلمێکی کوردییە کە لە ئەوساڵ لەم سینەمایەدا نمایش دەکرێن و هیودارین تا کۆتایی ساڵ شایەدی نمایشی چوار فیلمی دیکەی کوردی لە سینەما بەهمەن بین.

لە درێژەدا کازم ئۆز دەرهێنەری فیلمەکە وێرای دەربڕینی خۆشحاڵیی بۆ ئامادەبوونی لە کوردستانی ئێران وتی: هیوادارم هاتوچۆی هونەرمەندانی کورد لە وڵاتانی جۆراوجۆری جیهاندا زیاتر پەرە بستێنێت.

فیلمی زەڕ بەسەرهاتی گەنجێکی کوردە کە لە نیۆیۆرکی ئەمریکا گەورە بووە و دوای بیستنی بەستە و گۆڕانییەک کە دایەگەورەی لە سەرە مەرگدا بۆی خوێندووە، دەگەڕێتەوە بۆ کوردستانی تورکیا.

News Code 27224

نیشانەکان

بۆچوونی ئێوە

You are replying to: .
  • 1 + 12 =