دیدارە نهێنییەکانی کوردی سووریا لەگەڵ میتی تورکیا

دوای ئەوەی پارێزەرانی ڕێبەرانی پەکەکە، پەیامەکەی ئۆجەلان سەبارەت بە مامەڵەی کوردی سووریا لەگەڵ تورکیایان بڵاوکردەوە، ئێستا باس لە دیداری فەرماندەی هێزەکانی هەسەدە و میتی تورکیا دەکرێت.

بە ڕاپۆرتی ئاژانسی هەواڵی مێهر، ئەلمانیتۆر دوێنێ نووسی: لە ماوەی ۱۰ ڕۆژی ڕابردوودا دوو جار وەفدێک لە بەرپرسانی هێزەکانی سوریای دیموکرات (هەسەدە) بە سەرکردەیی مەزڵووم کۆبانی و جارێکیش عەبدوڵڵا ئۆجالان لەگەڵ دەزگای هەواڵگری تورکیا میت دیدار و گفتوگۆیان کرددوە.

لەو هەواڵەدا هاتووە کە ۱۰ ڕۆژ پێش ئێستا یەکەم دیدار لەنێوان مەزڵووم کۆبانی فەرماندەی هێزەکانی سوریای دیموکرات ئەنجامدراوە و دواتر بەرپرسانی میت لەگەڵ عەبدوڵڵا ئوجەلان ڕێبەری پەکەکە کۆبوونەوەتەوە.

جارێکی دیکەش مەزڵووم کۆبانی و بەرپرسانی میت دیداریان کردووە و باسیان لە پرسی سووریا و ناوچە کوردنشینەکانی باکووری ئەو وڵاتە کردووە.

 ئەمە لە حاڵێکدایە کە سێ ڕۆژ پێش ئێستا پارێزەرانی عەبدوڵڵا ئۆجەلان، ڕێبەری پەکەکە کە پاش ۸ ساڵ و لە کاتی توندبوونەوەی شەڕی نێوان پەکەکە و تورکیا و یەپەگە و هەسەدە لەگەڵ سوپای تورکیا، سەردانیان کردبوو لە کۆنفڕانسێکی ڕۆژنامەوانیدا پەیامی ئۆجالان و دوو هاورێی زیندانی کراوی ئەویان بۆ رای گشتی خوێندەوە.

ئۆجالان لەو پەیامەدا داوای لە هێزەکانی سووریای دیمۆکراتیک کردبوو کە لە چێوەی یەکپارچەیی خاکی سووریا کار بکەن و ئاگاداری هەستیارییەکانی تورکیا بن و خۆیان دوور بگرن لە گرژی.

News Code 26408

نیشانەکان

بۆچوونی ئێوە

You are replying to: .
  • 9 + 6 =