هیچ دەسەڵاتێک ناوێری هەڕەشەی سەربازی لە ئێران بکات

سەرۆکی ئەرکانی گشتیی هێزی چەکداری بە ئاماژە بەوەی کە ئاسایشی ئێران لە ناوچەدا بێ هاوتایە، جەختی کرد: هیچ دەسەڵاتێک ناوێرێ دەستدرێژی و هەڕەشەی سەربازی لە ئێران بکات.

بە ڕاپۆرتی ئاژانسی هەواڵی مێهر، سەرلەشکەر محەمەد باقری ئەمڕۆ دووشەممە لە کۆبوونەوەی هێزی چەکداری لە حسێنییەی ساروڵڵای سوپای ئیمام عەلی لە پارێزگای قوم، بە ئاماژە بە پێگەی ئەمنیی وڵات وتی: ئێران لە ساڵانی بەر لە شۆڕش شکست و دۆڕانی زۆری ئەزموون کردووە، بەڵام ئەمڕۆ ئاسایشی وڵات لە ناوچەدا بێ هاوتایە و هێزی چەکداری لە دابین کردنی ئەو ئاسایشەدا ڕۆڵی گرینگی بووە.

سەرۆکی ئەرکانی گشتیی هێزی چەکداری بە بیرهێنانەوەی ئەوەی کە کەس ناوێری دەستدرێژی و هەڕەشەی سەربازی لە ئێران بکات و سەربەخۆیی و ئازادیی ئێران لە جیهاندا بێ هاوتایە، وتیشی: لە ماوەی ٤٠ ساڵ تەمەنی شۆڕشی ئیسلامی هەوڵی نائەمن کردنی سنوورەکانی وڵات و پیلانی دوژمنان لە دژی نیزامی ئیسلامی بەردەوام بووە و دوژمنان لەو ماوەیە زۆر پەیجۆری هەنگاوێکی ڕاچڵەکێنەر بوونە و بەوەشەوە دەزانن کە هەڕەشەی سەربازی بێ هۆ و بێ ئەنجامە.

ناوبراو جەختی لە نەترسان لە هەڕەشەی دوژمنان کرد و وتی: گەلی ئێرانی ئیسلامی بەردەوام لە بەرامبەر هەموو جۆرە هەڕەشەیەکدا وەستاوە و لە داهاتووشدا دەوەستێت و دواجار سەرکەوتوون هەر بۆ گەلی ئێرانە و ئەم وڵاتە ئاڵاهەڵگەری حەق لە جیهانە و بێ گومان ستەمکاران و داگیرکەران شکست دەهێنن.

سەرلەشکەر باقری بە ئاماژە بەوەی کە نائەمنی لە هەموو وڵاتانی جیهاندا بوونی هەیە و هیچ بەرپرسێک ناتوانێ ئیدعا بکات کە نەبوونی سەرمایەدانەری بە هۆی بوونی نائەمنی لە وڵاتە، ڕایگەیاند: سەرەڕای ئاسایشی ئێستای وڵات بەستێن بۆ سەرمایەدانەری و کردنەوە و چێکردنی هەر جۆرە ژێرخانێک ڕەخساوە.

سەرۆکی ئەرکانی گشتیی هێزی چەکداری بەرزکردنەوەی توانستی بەرگریی لە داخوازییە هەمیشەییەکانی رێبەری باڵای شۆڕش زانێ و ڕاشیگەیاند: بەرگریی چالاکانە و پاوەجێی ئەمڕۆی وڵات بە هۆی ئامادەیی بەرزی هێزی چەکدارییە کە لە سای خوێنی شەهیدان و رێنوێنییەکانی رێبەری باڵا و خۆبەخشی و لە خۆبۆردوویی هێزی چەکداری مسۆگەر بووە.

ناوبراو جەختی لەوەش کرد: جموجۆڵی ترسەنۆکانەی دوژمنان و هەڵمەتی ئەم دواییەیان بێ وەڵام نامێنێتەوە و لە ئاگری تووڕەیی گەلدا دەسوتێن.

News Code 25099

نیشانەکان

بۆچوونی ئێوە

You are replying to: .
  • 8 + 3 =