ئێران تەوەری کۆبوونەوەی وەزیرانی دەرەوەی ئەورووپا

بەرپرسی سیاسەتی دەرەکی یەکێتی ئەورووپا ڕایگەیاند کە ئێران، ڤێنزۆئێلا و گۆڕانکارییەکانی باڵکان تەوەرەکانی دانیشتنی ئەوڕۆی وەزیرانی دەرەوەی وڵاتانی ئەندامی یەکێتی ئەورووپایە.

بە ڕاپۆرتی ئاژانسی هەواڵی مێهر بە گێڕانەوە لە تویتەری خزمەتی هەنگاوە دەرەکییەکانی ئەورووپا، فدریکا موگرینی بەرپرسی سیاسەتی دەرەکی یەکێتی ئەورووپا بەر لە دەسپێکی دانیشتنی وەزیرانی دەرەوەی وڵاتانی ئەندامی ئەو یەکێتییە، وتی: ئەوڕۆ رۆژێکی پڕکارمان لە گەڵ وەزیرانی دەرەوە دەبێت.

وتیشی: لە سەرەتادا ئێمە بە بۆنەی حەفتایەمین ساڵوەگەری بەیاننامەی جیهانی مافی مرۆڤ گفتوگۆگەلێکمان دەبێت. ئێمە دوو حەوتەی ڕابردوو بە ئامادەبوونی نوێنەرانی ڕێکخراوی نەتەوە یەکگرتووەکان دانیشتنێکمان لەوبارەیە بوو و هەموو دەزانین کە دەتوانن سەبارەت بە مافی مرۆڤ متمانە بە یەکێتی ئەورووپا بکەن.

بەرپرسی سیاسەتی دەرەکی یەکێتی ئەورووپا ئاماژەی بەوەش دا: تەورەکانی دیکەی دانیشتنی ئەوڕۆ تایبەتە بە ئێران، ڤێنزۆئێلا و گۆڕانکارییەکانی باڵکان و پەیوەندییەکانی ئێمە بە یەکێتی ئەفریقا و پاشان دەبینە میوانی وەزیری دەرەوەی ئۆکراین و دواگۆڕانکارییەکانی ئەو وڵاتە لێک دەدەینەوە و پاڵپشتیی یەکێتی ئەورووپا لە ئۆکراین ڕادەگەیێنین.

News Code 23565

نیشانەکان

بۆچوونی ئێوە

You are replying to: .
  • 5 + 13 =