گواستنه‌وه‌ی باڵوێزی ئه‌مریکا بۆ شاری قودس ۳ ساڵ ده‌خایه‌نێت

وته‌بێژی وه‌زاره‌تی ده‌ره‌وه‌ی ئه‌مریکا ڕایگه‌یاند که‌ لانی که‌م ۳ ساڵ کات پێویسته‌ تاکوو باڵوێزخانه‌ی ئه‌مریکا بۆ شاری قودس بگوازرێته‌وه‌.

به‌ ڕاپۆرتی ئاژانسی مێهر، هێدر نائۆرت، وته‌بێژی وه‌زاره‌تی ده‌ره‌وه‌ی ئه‌مریکا له‌ میانه‌ی کۆنفڕانسێکی مێدیایی ڕایگه‌یاند که‌ گواستنه‌وه‌ی باڵوێزخانه‌ی ئه‌مریکا له‌ تلاڤیڤه‌وه‌ بۆ قودسی داگیرکراو ۳ ساڵ کاتی پێویسته‌.

ئه‌و سه‌باره‌ت به‌ کێشه‌کانی ئه‌م کاره‌ وتی: هه‌م وه‌زیری ده‌ره‌وه‌ و هه‌م سه‌رۆک کۆماری ئه‌مریکا پێشتر ئاماژه‌یان دابوو که‌ ده‌وڵه‌ته‌کانی ڕابردوو چ دیموکڕات و چ کۆماری خواز به‌ پێچه‌وانه‌ی هه‌وڵه‌کانیان له‌ دابین کردنی ئاشتی له‌ ڕۆژهه‌ڵاتی ناڤین سه‌رکه‌وتوو نه‌بوون.

نائۆرت پاگه‌نده‌ی کرد که‌ ئه‌م کاره‌ی دۆناڵد ترامپ ده‌توانێت ببێته‌ هۆی ساز کردنی خولێکی نوێی دانوستانه‌کان، ئێمه‌ هێشتا ماندوو نه‌بووین له‌ گه‌یشتن به‌ ئاشتی و هه‌وڵی بۆ ده‌ده‌ین.

ئه‌و سه‌باره‌ت به‌ کاتی گواستنه‌وه‌ی باڵوێزخانه‌ی ئه‌مریکا وتی: ده‌بێت سه‌ره‌تا کۆنگرێسی ئه‌مریکا بودجه‌ی پێویست بۆ ئه‌م کاره‌ دابین بکات و دواجار باشترین شوێن له‌ ڕووی ئه‌منییه‌وه‌ بۆ باڵوێزخانه‌ی ئه‌مریکا له‌ شاری قودس بدۆزرێته‌وه‌. ئه‌م کاره‌ کاتی پێویسته‌ و ڕه‌نگه‌ چه‌ندین ساڵ بخایه‌نێت.

ئه‌و جه‌ختی کرد که‌ ۳ ساڵ بۆ ئه‌م کاره‌ دیاری کراوه‌ به‌ڵام ئه‌گه‌ری ئه‌وه‌ ده‌ڕوات که‌ زووتر یان دێرتر ئه‌نجام ببێت.

News Code 15225

نیشانەکان

بۆچوونی ئێوە

You are replying to: .
  • 3 + 12 =