مام جه‌لال لایەنگری یه‌کپارچه‌یی عێراق بوو

ئایه‌توڵا سه‌ید محه‌مه‌د حسه‌ینی شاهرودی، نوێنه‌ری ڕێبه‌ری باڵای ئێران له‌ پارێزگای کوردستان جه‌ختی کرد که‌ مام جه‌لال به‌رده‌وام پشتیوانی یه‌کپارچه‌یی عێراق بوو.

به‌ ڕاپۆرتی ئاژانسی مێهر،نوێنه‌ری ڕێبه‌ری باڵای ئێران له‌ پارێزگای کوردستان پرسه‌نامه‌یه‌کی بە بۆنەی کۆچی دوایی جه‌لال تاڵه‌بانی سەرۆک کۆماری پێشووی عێراق بڵاوکردەوە.

ده‌قی ئه‌م پرسه‌نامه‌که‌:

إنّا لله و إنّا إليهِ رَاجِعُون

به‌رپرسان و خه‌ڵکی ڕێزداری ڵاتی دۆست و دراوسێ - عێراق

هاوژین و منداڵانی به‌ڕێزی خوا لێخۆش بوو جه‌لال تاڵه‌بانی (مام جه‌لال)

السلام علیکم و رحمة الله و برکاته

بیستنی هه‌واڵی پڕ له‌ داخ و په‌ژاره‌ی کۆچی دوایی به‌ڕێز جه‌لال تاڵه‌بانی (مام جه‌لال)، سه‌رۆک کۆماری پێشووی وڵاتی دۆست و دراوسێ - عێراق و سکرتێری گشتی یه‌کێتی نیشتمانی کوردستان له‌م ڕۆژانه‌ی مانگی موحره‌ڕمولحەرام که‌ بە ناوی سه‌روه‌ر و سالاری ئازادی خوازانی جیهان - حه‌زره‌تی حسه‌ین (د.خ) -سه‌یدول شوهه‌دا- و یارانی باوه‌فایه‌تی، بووه‌ته‌ هۆی خه‌م و په‌ژاره‌ی خه‌ڵکی جوامێر و شۆڕشگێڕی ئێرانی ئیسلامی، به‌ تایبه‌ت وه‌لایه‌تمه‌دار و شه‌هید په‌روه‌ری پارێزگای کوردستان.

ئه‌م که‌سایه‌تییه‌ موجاهد و دڵسۆز و لێهاتووه‌ ساڵانێکی زۆر و دوور و درێژی ژیانی خۆی بۆ شه‌ڕی دژ به‌ دیکتاتۆری حزبی به‌عس ته‌رخان کرد و له‌ ماوه‌یه‌کی زۆر هه‌ستیاریشدا کورسی سه‌رۆک کۆماریی عێراقیبەدەستەوە بوو، ئه‌و له‌م ماوه‌یه‌دا زیاترین هه‌وڵی دا تاکوو په‌یوه‌ندی نێوان دوو وڵاتی دۆست و دراوسێ و ئیسلامی ئێران و عێراق په‌ره‌ی زیاتر بسێنێت و به‌ردوام جه‌ختی له‌ سه‌ر یه‌کگرتوویی و یه‌کپارچه‌یی خاکی عێراق ده‌کرد و بۆ یه‌کێتی هه‌موو خه‌ڵک و ئێتنیک و هۆزه‌کانی عێراقی ئیسلامی هه‌وڵی ده‌دا...

به‌ش به‌ حاڵی خۆم و وه‌ک نوێنه‌ری خه‌ڵکی پارێزگای فه‌رهه‌نگ دۆستی کوردستانی ئێران بۆ ئه‌و خوا لێخۆش بووه‌ باڵاترین ئاست و به‌خشین له‌ لای خودای گه‌وره‌ داوا ده‌که‌م، هه‌روه‌ها هیوای سه‌بر و تاقه‌ت بۆ هه‌موو خه‌ڵکی عێراق - به‌ تایبه‌ت خه‌ڵکی جوامێر و نه‌به‌ردی کوردستانی عێراق- و هاوژینه‌ به‌ڕێزه‌که‌ی و ئه‌و که‌سانه‌ی تازیه‌باری ئه‌م کۆچ کردووه‌ن، دەخوازم.

سه‌ید محه‌مه‌د حسه‌ینی شاهرودی

نوێنه‌ری وه‌لی فه‌قیه‌ له‌ پارێزگای کوردستان و نوێنه‌ری خه‌ڵکی کوردستان له‌ مه‌جلیسی خوبره‌کانی ڕێبەری

News Code 13396

نیشانەکان

بۆچوونی ئێوە

You are replying to: .
  • captcha