فستیڤاڵی مۆسیقای زوڕنای یه‌کگرتوویی له‌ شیراز به‌ڕێوه‌ ده‌چێت

شه‌شومین خولی فستیڤاڵی مۆسیقای یه‌کگرتوویی ئێتنیکه‌کانی ئێران له‌ ژێر ناوی زوڕنای یه‌کگرتوویی له‌ شیراز به‌ڕێوه‌ ده‌چێت.

به‌ ڕاپۆرتی ئاژانسی مێهر، ئه‌م فستیڤاڵه‌ له‌ ۹ی ڕێبه‌ندان تاکوو ۱۱ی ڕێبه‌ندان له‌ شاری شیراز به‌ڕێوه‌ ده‌چێت و گرووپێکی مۆسیقای کوردیش تێیدا به‌شدارن.

به‌ پێی ئه‌م ڕاپۆرته‌، سه‌رجه‌م ۹ گرووپ له‌ پارێزگاکانی ئێرانه‌وه‌ به‌شداری ئه‌م فستیڤاڵه‌یان کردووه‌ و هه‌ر هه‌موویان کۆنسێرتی مۆسیقای ناوچه‌کانی خۆیان به‌ڕێوه‌ ده‌به‌ن.

ئامانجی سه‌ره‌کی ئه‌م فستیڤاڵه‌ لێکۆڵینه‌وه‌ و به‌دوادا چوون بۆ فه‌رهه‌نگی ناوچه‌ییه‌کانی ئێرانه‌ و هه‌ر به‌م بۆنه‌شه‌وه‌ له‌م فستیڤاڵه‌دا که‌س خه‌ڵات ناکرێت، له‌ ڕاگه‌یه‌ندراوی فستیڤاڵه‌که‌دا هاتووه‌ که‌ فه‌رهه‌نگ و داب و نه‌ریت و مۆسیقای هیچ ئێتنیکێک له‌گه‌ڵ ئه‌وانی دیکه‌ به‌راورد ناکرێت و ناتوانین بڵێین که‌ فڵانه‌ که‌لتور له‌وی دیکه‌ باشتر و به‌هێزتره‌، هه‌ر بۆیه‌ کاری ئه‌م فستیڤاڵه‌ لێکۆڵینه‌وه‌ له‌ فه‌رهه‌نگه‌ جیاوازه‌کانی خه‌ڵکی ئێران و ڕێز گرتن له‌ هه‌موویانه‌.

شایانی باسه‌ که‌ له‌م فستیڤاڵه‌دا فواد پیشوا، گۆرانی بێژی کورد له‌گه‌ڵ گرووپه‌که‌ی به‌شداری ده‌کات و چه‌ندین کۆپله‌ی کوردی پێشکه‌ش ده‌کات که‌ ریتمێکی شاد و به‌زمیان هه‌یه‌.

News Code 7889

نیشانەکان

بۆچوونی ئێوە

You are replying to: .
  • 5 + 5 =