لەیلا زانا بانگهێشتی دادگه‌ی ئامه‌د کرا

داواكاری گشتی كۆماری توركیا له‌ ئامه‌د بانگهێشتی شه‌ش په‌رله‌مانتاری پارتی دیمۆکراتیکی گه‌لان له‌وانه‌ له‌یلا زانای کرد.

به‌ راپۆرتی ئاژانسی هه‌واڵی مێهر،ڕۆژی ڕابردوو، له‌یلا زانا په‌رله‌مانتاری هه‌ده‌په‌ و سیاسه‌توانی ناسراوه‌ی کوردی تورکیا و ئالتان تان و چوار په‌رله‌مانتاری دیكه‌ی هه‌ده‌په‌ بانگهێشتی دادگا كران.

ئه‌م شه‌ش پەرلەمانتاره‌ کورده‌ی تورکیا بۆ وه‌رگرتنی ئیفاده‌ و لێپرسینه‌وه‌ بانگھێشتی دادگایه‌كی شاری ئامه‌د كراون.

له‌مباره‌وه‌ کوردستان ۲۴ نووسی:داواكاری گشتی كۆماری توركیا له‌ ئامه‌د بانگهێشتی په‌رله‌مانتارانی هه‌ده‌په‌، له‌یلا زانا، ئالتان تان، مه‌رال دانش به‌شتاش، سیبه‌ل یاغتالب، ئیمام تاشچیه‌ر و نه‌عمه‌توڵڵا ئه‌ردۆغموشی كردووه‌.

هه‌ر شه‌ش په‌رله‌مانتاری هه‌ده‌په‌ بۆ تۆمه‌تی گومانلێكراو بانگهێشتی دادگا كراون، به‌ بێ ئه‌وه‌ی كه‌ تۆمه‌ته‌كانیان ئاشكرا بكرێت، یان به‌ چ تۆمه‌ت و گومانێك لێپرسینه‌وه‌یان له‌گه‌ڵدا بكرێت.

News Code 5858

نیشانەکان

بۆچوونی ئێوە

You are replying to: .
  • 5 + 0 =